ەلوردا ەكٸمٸ التاي كٶلگٸنوۆ كەزەكتٸ رەت پروبلەمالى تۇرعىن ٷي نىساندارىن ارالادى, دەپ حابارلايدى "ۇلت اقپارات" ەكٸمدٸككە سٸلتەمە جاساپ.
نۇر-سۇلتان ەكٸمٸ 30 شٸلدە كٷنٸ كەشكە الدىمەن «جەتٸ جول» تۇرعىن ٷي كەشەنٸنٸڭ (كٶكتال كەنتٸ) قۇرىلىس الاڭىنا ات باسىن تٸرەدٸ. اتالعان ٷيدٸڭ قۇرىلىسى 2013 جىلى باستالعان, 2015 جىلى نىسان پروبلەمالى دەپ تانىلعان. ٷلەسكەرلەردٸڭ سانى – 600 ادامعا جۋىق.
قۇرىلىس قارقىنىنىڭ باياۋلىعىن بايقاعان التاي كٶلگٸنوۆ: «ٷش اپتا بۇرىن كەزدەستٸك. قۇرىلىس باياۋ جٷرٸپ جاتىر. ماعان جۇمىس قارقىنى ۇنامايدى. باستاعاننان كەيٸن اياقتاۋ كەرەك. ەگەر سٸز دە وسىنداي ۇستانىمدى ۇستانساڭىز, سٸزدٸڭ الدىڭعى قۇرىلىس سالۋشىدان ەش ايىرماشىلىعىڭىز بولمايدى عوي. بٸز سٸزگە جوبالاۋ جۇمىستارى بويىنشا كٶمەكتەسٸپ, بارلىق مەسەلەلەردٸ زەردەلەپ وتىرمىز. تەزدەتۋ كەرەك, قۇرىلىس ماۋسىمى اياقتالىپ قالدى», - دەپ كەيٸستٸك تانىتتى.
ەكٸنشٸ وبەكت - «كومفورت» تۇرعىن ٷي كەشەنٸ بولدى. بۇل نىسان 2015 جىلى پروبلەمالى بولىپ تانىلعان. ٷلەسكەرلەردٸڭ سانى – 227 ادام. قۇرىلىس سالۋشى اتالعان نىساندا جۇمىس جٷرگٸزٸلٸپ جاتقانىن, جۇمىسشىلاردىڭ ەكٸنشٸ اۋىسىمى تۋرالى مەسەلە قارالۋ ٷستٸندە ەكەنٸن اتاپ ٶتتٸ. قازٸرگٸ كەزدە ولار ينجەنەرلٸك جەلٸلەر جوباسىن كٷتۋدە.
«بۇل قارقىندى توقتاتپاڭىز. قىسقا مەرزٸمدە نەتيجە كٶرسەتتٸڭٸز, جۇمىس جٷرگٸزٸلگەنٸ بايقالادى. ينجەنەرلٸك جەلٸلەردٸڭ جوباسىن العاننان كەيٸن اباتتاندىرۋ مەسەلەلەرٸ بويىنشا جۇمىستى باستاۋ كەرەك», - دەپ اتاپ ٶتتٸ ا.كٶلگٸنوۆ
