ٸشكٸ ٸستەر مينيسترٸ ەرلان تۇرعىمباەۆ قىرعىز تاۋلارىندا جوعالعان الپينيستەردٸ ٸزدەستٸرۋ جۇمىستارى جالعاسقانىن مەلٸم ەتتٸ, دەپ حابارلايدى قازاقپارات.
«الپينيستەر بويىنشا: كەشە 14 تامىزدا الپينيستەر جەڭٸس شىڭىنا دەيٸن شىققانىمەن, 15 تامىزدا قار بورانىنا تاپ بولعانى حابارلانعان بولاتىن. الپينيستەردٸڭ بٸرٸ قايتىس بولىپ, ەكەۋٸ كٶمەك سۇراعان. اتالعان تاۋ شىڭى قىرعىزستان اۋماعىندا ورنالاسقاندىقتان, ەكٸ كٷن بۇرىن قۇتقارۋ وپەراتسيياسى قولعا الىنىپ, قىرعىز شەكاراشىلارىنان ەۋە كەڭٸستٸگٸن پايدالانۋ رۇقساتى الىنعان. الايدا بٸزدٸڭ قۇتقارۋشى تٸكۇشاق قاتتى بوراننىڭ سالدارىنان بيٸككە كٶتەرٸلە المادى. بٷگٸن جەرگٸلٸكتٸ ۋاقىت بويىنشا ساعات 10.00-دە قۇتقارۋ وپەراتسيياسى قايتا جانداندى. بورتتا تەجٸريبەلٸ قۇتقارۋشىلار بارشىلىق. تٸكۇشاق تاۋلى ايماققا بارىنشا بەيٸمدەلگەن», - دەدٸ ەرلان تۇرعىمباەۆ ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
دەسە دە, مينيستردٸڭ ايتۋىنشا, تەڭٸز دەڭگەيٸنەن 6 مىڭ مەتر بيٸكتٸككە ەۋە كەمەلەرٸنٸڭ كٶبٸ كٶتەرٸلە المايدى.
«ەۋە كەمەلەرٸ بارىنشا بيٸككە كٶتەرٸلٸپ, قۇتقارۋشىلار ٸزدەستٸرۋ جۇمىسىن جالعاستىرادى. ەڭ قيىنى, الپينيستەردٸڭ ناقتى قاي جەردە ەكەنٸن بٸلە الماي وتىرمىز. سوندىقتان, بارىنشا اۋقىمدى ٸزدەستٸرۋ جۇمىستارىن قولعا الامىز. قازٸر بٸز GPS ارقىلى جوق دەگەندە بولجامدى ورىنداردى انىقتاۋ ٷشٸن ارنايى قىزمەتتەردٸ ٸسكە تارتىپ جاتىرمىز», - دەدٸ ول.
ەسكە سالساق, الماتىلىق الپينيستەر توبى قىرعىز تاۋلارىندا جوعالعان. الماتى قالاسىنىڭ ەكٸمٸ باقىتجان ساعىنتاەۆ تاۋدا قازاقستاندىق الپينيستەر توبىنىڭ جوعالىپ كەتۋٸنە قاتىستى Instagram پاراقشاسىندا الاڭداۋشىلىق بٸلدٸردٸ.
كەيٸنٸرەك جوعالعان الپينيستەردٸڭ بٸرٸنٸڭ قىزى ەلەۋمەتتٸك جەلٸ ارقىلى قالىڭ كٶپشٸلٸكتەن كٶمەك سۇرادى.
سونداي-اق, قر قورعانىس مينيسترلٸگٸ الپينيستەردٸ قۇتقارۋ وپەراتسيياسىن باستادى.
سونداي-اق بٷگٸن تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ قۇتقارۋشىلاردىڭ تيان-شان تاۋىندا جوعالىپ كەتكەن الپينيستەردٸ ٸزدەۋگە ۇشىپ كەتكەندٸگٸن حابارلادى.
