قىرعىز رەسپۋبليكاسىنىڭ ەكس-پرەزيدەنتٸ المازبەك اتامباەۆتىڭ قوي-تاش اۋىلىنداعى ٷيٸنەن تٷرلٸ قارۋ-جاراقتار مەن جارىلعىش زاتتار تابىلدى, دەپ حابارلايدى كابار.
اگەنتتٸكتٸڭ قىرعىز ٸٸم سٸلتەمە جاساعان حابارلاماسىندا, اتامباەۆتىڭ ٷيٸنەن دراگۋنوۆ سنايپەردٸك ۆينتوۆكاسى (سۆد), سيمونوۆ ٶزدٸگٸمەن زاريادتالاتىن كارابين (سكس), پيستولەت-پۋلەميوت قۇرىلىمىنداعى پيستولەت «كاپرال» ت.ب. قارۋ-جاراق تٷرلەرٸ تەركٸلەنگەن. بارلىعى 11 بٸرلٸك جارىلعىش جەنە جاناتىن قارۋ تابىلدى.
قازٸرگٸ كەزدە ەكس-پرەزيدەنتتٸڭ ٷيٸنەن تابىلعان قارۋ-جاراقتارعا كريميناليستيكالىق ساراپتامالار جاسالۋدا.
ەسكە سالايىق, 8 تامىز كٷنٸ كەشقۇرىم قىرعىزستاننىڭ ٸشكٸ ٸستەر مينيسترلٸگٸ اتامباەۆتىڭ ۇستالعانىن رەسمي حابارلاعان بولاتىن.
7 تامىز كٷنٸ ا.اتامباەۆتىڭ قوي-تاش اۋىلىنداعى ٷيٸندە اتىس بولدى. ارنايى وپەراتسييا سالدارىنان بٸشكەك قالاسى مەن شۋ وبلىستىق بٸرٸككەن اۋرۋحانالارىنا تٷرلٸ جاراقاتپەن 45 ادام تٷستٸ. شۋ وبلىستىق ٸشكٸ ٸستەر باس باسقارماسىنىڭ باسشىسى سامات قۇرمانقۇلوۆ اۋىر حالدە جاتىر. ارنايى جاساق قۇرامىنداعى بٸر ادام كٶز جۇمدى.
مەلٸم ەتٸلگەندەي, قۇقىققورعاۋ ورگاندارى تاراپىنان ازاماتتارعا قاتىستى اتىس قارۋى قولدانىلعان جوق. قارۋ ا.اتامباەۆتىڭ جاقتاستارى تاراپىنان اتىلعان.
اتامباەۆتىڭ ٷيٸندە بولعان وقيعالاردان كەيٸن قىرعىزستاننىڭ باس پروكۋراتۋراسى «جاپپاي تەرتٸپسٸزدٸكتەر», «بۇزاقىلىق», «ادام ٶلتٸرۋ», «ادامدى كەپٸلگە الۋ» باپتارىمەن سوتقا دەيٸنگٸ تەرگەۋ امالدارىن باستاعانىن مەلٸمدەدٸ. دەگەنمەن, ەل استاناسىنداعى جاعداي تۇراقتى ەكەنٸ اتاپ ٶتٸلدٸ. ايتا كەتسەك, 8 تامىزدا قىرعىزستانعا شولپان اتادا ٶتەتٸن ەاەو ەلدەرٸنٸڭ ٷكٸمەت باسشىلارى كەزدەسۋٸنە (9 تامىز) رەسمي دەلەگاتسييالار كەلە باستادى. «ەلدەگٸ وقيعالارعا قاراماستان, ەۋرازييا ٷكٸمەتارالىق كەڭەسٸ بەلگٸلەنگەن ۋاقىتىندا ٶتەدٸ», - دەپ مەلٸمدەدٸ قىرعىز رەسپۋبليكاسى پرەمەر-مينيسترٸنٸڭ باسپاسٶز حاتشىسى ەدٸلەت سۇلتاناليەۆ.
سونداي-اق 8 تامىزدا جوگوركۋ كەنەشتٸڭ كەزەكتەن تىس وتىرىسى ٶتٸپ, وندا ەل پرەزيدەنتٸ سوورونباي جەەنبەكوۆ بيلٸك «حالىقتىڭ بٶلٸنۋٸنە, تۇراقسىزدىقتىڭ ورناۋىنا جول بەرمەيتٸنٸن» مەلٸم ەتتٸ.
«اتامباەۆتىڭ تارابى اتىس قارۋىن قولدانعانىنا قاراماستان, ارنايى كٷشتەر اتىس پاتروندارىن پايدالانعان جوق», - دەدٸ ول.
«ەگەر كەشەگٸ كٷنگە دەيٸن اتامباەۆتى تەرگەۋگە كۋەگەر رەتٸندە شاقىرسا, ەندٸ وعان اسا اۋىر قىلمىس جاساعانى ٷشٸن كٷدٸكتٸ رەتٸندە قارايتىن بولادى», - دەدٸ جەەنبەكوۆ.
بۇدان بٶلەك, پارلامەنت وتىرىسىندا دەپۋتات مىكتىبەك ابدىلداەۆ اتامباەۆتىڭ ٷيٸنە شابۋىل جاساۋ كەزٸندە تۇتقىنعا الىنعان ارنايى جاساق قىزمەتكەرلەرٸ بوساتىلعانىن حابارلادى.
ايتا كەتسەك, بۇعان دەيٸن جوگوركۋ كەنەش ەلدٸڭ ەكس-پرەزيدەنتٸنەن قول سۇقپاۋشىلىق مەرتەبەسٸن الىپ تاستاۋ تۋرالى شەشٸم قابىلداعان بولاتىن. اتامباەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسييا قۇرىلدى. كوميسسييا جۇمىسىنىڭ نەتيجەسٸندە وعان 6 ەپيزود بويىنشا ايىپ تاعۋ شەشٸمٸ قابىلداندى. الايدا باس پروكۋراتۋرا كوميسسييانىڭ جۇمىسىن زاڭ تۇرعىسىنان باعالاي كەلە, تەك بەس ەپيزودتى قالدىردى.
