قىرعىزستاندىق ساياساتكەرلەر ازيمبەك بەكنازاروۆ, احماتبەك كەلديبەكوۆ جەنە كەنەشبەك دۋيشوباەۆ ەكس-پرەزيدەنت المازبەك اتامباەۆ پەن "اپرەل" تەلەارناسىن سوتقا بەردٸ. ازاتتىقتىڭ قىرعىز رەداكتسيياسىنىڭ حابارلاۋىنشا, ولار سوتتان 18 ميلليون سوم (257 مىڭ دوللار) ٶندٸرٸپ بەرۋٸن سۇراعان.
"اپرەل" تەلەارناسىنىڭ ديرەكتورى دميتريي لوجنيكوۆتىڭ Facebook-تەگٸ پاراقشاسىندا حابارلاۋىنشا, ساياساتكەرلەر اتامباەۆ پەن تەلەارنانىڭ ەرقايسىسىنان 9 ميلليون سومنان تالاپ ەتكەن.
پارلامەنتتٸڭ ەكس-سپيكەرٸ احماتبەك كەلديبەكوۆ "NUR TV" تەلەارناسىنا بەرگەن سۇحباتىندا ەكس-پرەزيدەنت المازبەك اتامباەۆتى جاقىندا جاساعان مەلٸمدەمەسٸ ٷشٸن سوتقا بەرەتٸنٸن ايتقان ەدٸ. "ول مەلٸمدەمەسٸندە ادامدىڭ ار-نامىسىنا تيگەن. مەن سوتقا شاعىمدانامىن. ول سٶزدەرٸن سوتتا دەلەلدەي الماسا, جاۋاپقا تارتۋىن تالاپ ەتەمٸن" دەگەن كەلديبەكوۆ.
10 جەلتوقساندا "اپرەل" تەلەارناسىنا سۇحبات بەرگەن المازبەك اتامباەۆ احماتبەك كەلديبەكوۆتىڭ جەمقورلىققا قاتىسى بار بولۋى مٷمكٸن ەكەنٸن مەلٸمدەگەن.
"ادامداردى سوقىر كٶرگٸسٸ كەلەدٸ. ادال ەڭبەكپەن تاپقان تابىس پەن ۇرلاعان اقشانىڭ ايىرماسى جوعىن كٶرسەتكٸسٸ كەلەدٸ. مەملەكەتتٸك قىزمەتتە جٷرٸپ ميلليونەر اتانعان سول كەلديبەكوۆتەر مەن تيۋلەەۆتەر "اتامباەۆتى قاماۋ كەرەك" دەپ ايتىپ جٷر عوي. كٸمدٸ قاماۋ كەرەك? مەملەكەتتەن ۇرلاپ بايىعانداردى ما ەلدە ٶز ەڭبەگٸمەن اقشا تاۋىپ, اتا-باباسىنىڭ جەرٸندە ٶزٸنە ٷي سالعان ادامدى ما? بايقاپ وتىرمىن, قازٸرگٸ بيلٸك ۇرىلار مەن جالا جابۋشىلارمەن تٸل تاۋىپ وتىر. ولاردى تۇتقىندامايتىنى ەرينە, تاڭعالدىرادى" دەگەن اتامباەۆ.
جەلتوقسان ايىندا كەلديبەكوۆ Kyrgyztoday.kg سايتىن سوتقا بەرٸپ, 1 ميلليون سوم (شامامەن 14 مىڭ دوللار) تالاپ ەتكەن. ساياساتكەر باسىلىمدا جارييالانعان ماقالا ٶزٸنٸڭ ار-ۇجدانىنا نۇقسان كەلتٸردٸ دەپ ەسەپتەيدٸ.
