قىرعىز رەسپۋبليكاسىنىڭ ەكس-پرەزيدەنتٸ المازبەك اتامباەۆقا بۇلتارتپاۋ شاراسى قولدانىلدى, دەپ حابارلايدى "ۇلت اقپارات" «كابار» اگەنتتٸگٸنە سٸلتەمە جاساپ.
«المازبەك اتامباەۆ 26 تامىزعا دەيٸن قاماۋعا الىندى», - دەپ مەلٸم ەتتٸ پەرۆوماي اۋداندىق سوتىنان. ەلدٸڭ بۇرىنعى باسشىسى مەملەكەتتٸك ۇلتتىق قاۋٸپسٸزدٸك كوميتەتٸنٸڭ تەرگەۋ يزولياتورىندا بولادى.
ەزٸرگە ۆەدومستۆو بۇدان باسقا تٷسٸنٸكتەمە بەرگەن جوق.
اقپاراتتى ەكس-پرەزيدەنتتٸڭ ادۆوكاتى سەرگەي سلەسارەۆ تا راستاپ وتىر.
زاڭگەردٸڭ ايتۋىنشا, ەكس-پرەزيدەنت قىرعىزستاننىڭ قىلمىستىق كودەكسٸنٸڭ 319-بابىن (جەمقورلىق) بۇزدى دەگەن كٷدٸككە ٸلٸنگەنٸ تۋرالى ٸٸم حابار بەرگەن.
ايتا كەتەيٸك, 7 تامىزدا قىرعىزستاننىڭ كوي-تاش اۋىلىندا ارنايى جاساق اتامباەۆتى ۇستاۋ وپەراتسيياسىن جٷزەگە اسىرماق بولدى. الايدا بۇرىنعى مەملەكەت باسشىسىنىڭ جاقتاستارى ولارعا تويتارىس بەردٸ.
ال 8 تامىزدا قۇقىققورعاۋشىلار تاعى وپەراتسييا باستاپ, 19.30-دا اتامباەۆتى ۇستادى. كەيٸنٸرەك نارازىلىق بٸلدٸرۋشٸلەر كٷشپەن تارقاتىلدى. سوڭعى دەرەكتەرگە سٷيەنسەك, ەكٸ كٷندٸك قاقتىعىس سالدارىنان 85 ادام زارداپ شەككەن, ارنايى جاساقتىڭ بٸر ساربازى وق جاراقاتىنان كٶز جۇمدى.
اتامباەۆتىڭ ٷيٸندە بولعان وقيعالاردان كەيٸن قىرعىزستاننىڭ باس پروكۋراتۋراسى «جاپپاي تەرتٸپسٸزدٸكتەر», «بۇزاقىلىق», «ادام ٶلتٸرۋ», «ادامدى كەپٸلگە الۋ» باپتارىمەن سوتقا دەيٸنگٸ تەرگەۋ امالدارىن باستاعانىن مەلٸمدەدٸ. دەگەنمەن, ەل استاناسىنداعى جاعداي تۇراقتى ەكەنٸ اتاپ ٶتٸلدٸ. ايتا كەتسەك, 8 تامىزدا قىرعىزستانعا شولپان اتادا ٶتەتٸن ەاەو ەلدەرٸنٸڭ ٷكٸمەت باسشىلارى كەزدەسۋٸنە (9 تامىز) رەسمي دەلەگاتسييالار كەلە باستادى. «ەلدەگٸ وقيعالارعا قاراماستان, ەۋرازييا ٷكٸمەتارالىق كەڭەسٸ بەلگٸلەنگەن ۋاقىتىندا ٶتەدٸ», - دەپ مەلٸمدەدٸ قىرعىز رەسپۋبليكاسى پرەمەر-مينيسترٸنٸڭ باسپاسٶز حاتشىسى ەدٸلەت سۇلتاناليەۆ.
سونداي-اق 8 تامىزدا جوگوركۋ كەنەشتٸڭ كەزەكتەن تىس وتىرىسى ٶتٸپ, وندا ەل پرەزيدەنتٸ سوورونباي جەەنبەكوۆ بيلٸك «حالىقتىڭ بٶلٸنۋٸنە, تۇراقسىزدىقتىڭ ورناۋىنا جول بەرمەيتٸنٸن» مەلٸم ەتتٸ.
«اتامباەۆتىڭ تارابى اتىس قارۋىن قولدانعانىنا قاراماستان, ارنايى كٷشتەر اتىس پاتروندارىن پايدالانعان جوق», - دەدٸ ول.
«ەگەر كەشەگٸ كٷنگە دەيٸن اتامباەۆتى تەرگەۋگە كۋەگەر رەتٸندە شاقىرسا, ەندٸ وعان اسا اۋىر قىلمىس جاساعانى ٷشٸن كٷدٸكتٸ رەتٸندە قارايتىن بولادى», - دەدٸ جەەنبەكوۆ.
بۇدان بٶلەك, پارلامەنت وتىرىسىندا دەپۋتات مىكتىبەك ابدىلداەۆ اتامباەۆتىڭ ٷيٸنە شابۋىل جاساۋ كەزٸندە تۇتقىنعا الىنعان ارنايى جاساق قىزمەتكەرلەرٸ بوساتىلعانىن حابارلادى.
