الماتىنىڭ باس سانيتارلىق دەرٸگەرٸ جانداربەك بەكشين سانيتارلىق-ەپيدەميولوگييالىق تالاپتاردى ورىندامايتىن جاستارعا ەسكەرتۋ جاسادى, دەپ حابارلايدى قازاقپارات.
جانداربەك بەكشيننٸڭ ايتۋىنشا, كۆي بويىنشا ٶسٸم 1,1 ەسە بولىپ وتىر. «بٸرٸنشٸ اپتادا – 420 جاعداي, ەكٸنشٸ اپتادا – 460 جاعداي, ٷشٸنشٸ اپتادا – 510 جاعداي, تٶرتٸنشٸ اپتادا - 560 جاعداي تٸركەلدٸ. وپتيميستٸك جاعدايدا جەلتوقسان ايىن 1900 جاعدايمەن, پەسسيميستٸك بولجامدا 2100 جاعدايمەن اياقتايمىز. بٸز قازٸر يسپانييا, ۇلىبريتانييا, فرانتسييا, گەرمانييا ەلدەرٸن مىسالعا كەلتٸرەمٸز. ۆيرۋستى ۇستاپ الىپ, قاماپ قويا المايسىڭ. وسىنى ەرەسەك ادامدار ەسكەرۋٸ كەرەك»,- دەدٸ جانداربەك بەكشين.
ماماننىڭ ايتۋىنشا, كوروناۆيرۋس جاستاردا سيمپتومسىز ٶتەتٸندٸگٸمەن قاۋٸپتٸ.
«جاستار اتا-انالارىنا, قارت كٸسٸلەرگە جۇقتىرۋى مٷمكٸن. بٸزدٸڭ ايتقان ەسكەرتپەلەرٸمدٸ قۇلاققا ٸلمەگەن ادام جاڭا جىلدى اتا-اناسىز, اتا-ەجەسٸز قارسى الۋى عاجاپ ەمەس», - دەدٸ ول.
