ەۋەزوۆ اۋدانى «حالىق قاتىساتىن بيۋدجەت» باعدارلاماسىنىڭ اياسىندا قوعامدىق كەڭٸستٸكتٸ بٸرتٸندەپ اباتتاندىرىپ جاتىر. ٶڭٸرلٸك كوممۋنيكاتسييالار قىزمەتٸ ۇيىمداستىرعان باسپاسٶز تۋرى بارىسىندا وسى جوبانىڭ جٷزەگە اسۋ بارىسىن باق ٶكٸلدەرٸنە تانىستىرىپ شىقتى.
نىسانداردىڭ بٸرٸ – تاستاق-1 شاعىناۋدانى, №6 تۇرعىن ٷيدٸڭ اۋلاسى. اۋدان ەكٸمدٸگٸ اپپاراتىنىڭ مەلٸمەتٸنشە, جالپى اۋماعى 920 شارشى مەتردٸ قامتيتىن جوبا 1200-دەن استام تۇرعىنعا ارنالىپتى.
نىسان 85 پايىزعا دايىن تۇر. مۇندا قازٸر جابىن تٶسەپ, شاعىن سەۋلەت نىسانىن ورناتىپ, اۋماقتى اباتتاندىرىپ جاتىر. جوبا اياقتالعاننان كەيٸن اۋلادا بالالاردىڭ ويىن الاڭى, 22 شاعىن سەۋلەت نىسانى, جاڭا ورىندىقتار مەن قوقىس جەشٸگٸ, جارىقتاندىراتىن جەنە باقىلاۋ جٷيەسٸ ورناتىلادى.
كەلەسٸ جول تٷسكەن جەر تاستاق-1 شاعىناۋدانىنداعى №7 مەن №8 تۇرعىن ٷيدٸڭ اراسىنداعى جاڭا ساياباق بولدى. بۇل جوبا دا «حالىق قاتىساتىن بيۋدجەت» باعدارلاماسىمەن قولعا الىنىپ, 1200-دەن استام تۇرعىنعا ارنالىپتى.
ساياباقتا ويىن الاڭىن سالۋ, شاعىن سەۋلەت نىساندارىن, جارىقتاندىرۋ مەن باقىلاۋ جٷيەسٸن ورناتۋ جوسپارلانعان. سونداي-اق كٶگالداندىرۋعا ەرەكشە كٶڭٸل بٶلٸنەدٸ: اۋماققا شامامەن 5 مىڭ بۇتا مەن 2 مىڭ شارشى مەترگە جاسىل جەلەك ەگٸلٸپ, اۆتوماتتى سۋارۋ جٷيەسٸ ٸسكە قوسىلادى.
ەۋەزوۆ اۋدانىنىڭ ەكٸمٸ ابزال ەگەمبەرديەۆتٸڭ ايتۋىنشا, «حالىق قاتىساتىن بيۋدجەت» باعدارلاماسى تۇرعىندارعا قالالىق ورتانى دامىتۋعا تٸكەلەي ىقپال ەتۋگە مٷمكٸندٸك بەرەدٸ.
«بۇلاردىڭ بارلىعى تۇرعىنداردىڭ ٶزٸ كٶتەرگەن باستاما. بٸزدٸڭ مٸندەتٸمٸز – تۇرعىنداردىڭ ٷيٸنە جاقىن جەردە جايلى ەرٸ قاۋٸپسٸز قوعامدىق كەڭٸستٸك قالىپتاستىرۋ. قازٸر جۇمىس كەستەگە سەيكەس ٸستەلٸپ جاتىر. جاقىن ۋاقىتتا تۇرعىندار دەمالىپ, بالالارىمەن ۋاقىت ٶتكٸزٸپ, سپورتپەن اينالىسا الاتىن جاڭا اۋلالار مەن ساياباقتاردى پايدالانۋعا بەرەمٸز», – دەدٸ اۋدان ەكٸمٸ.
ونىڭ ايتۋىنشا, اۋلا مەن قوعامدىق كەڭٸستٸكتٸ اباتتاندىرۋ اۋداندى دامىتۋدىڭ باسىم باعىتىنىڭ بٸرٸ بولىپ وتىر ەكەن. جوبالاردى ٸسكە اسىرۋ بارىسىندا جاڭا دەمالىس ورنىن قۇرۋمەن قاتار قاۋٸپسٸزدٸككە, جارىقتاندىرۋعا, كٶگالداندىرۋعا كٶپ كٶڭٸل بٶلٸنٸپ وتىر.
ەكٸ جوبا دا بيىلعى جىلدىڭ مامىر ايىندا باستالدى. بەكٸتٸلگەن كەستەگە سەيكەس, قۇرىلىس پەن اباتتاندىرۋ جۇمىس بيىلعى 25 تامىزدا اياقتاماقشى.
نىساندار پايدالانۋعا بەرٸلگەننەن كەيٸن تاستاق-1 شاعىناۋدانىنىڭ تۇرعىندارى جايلى قالالىق ورتانىڭ تالابىنا ساي كەلەتٸن وسى زامانعى قوعامدىق كەڭٸستٸكتٸ پايدالانۋ مٷمكٸندٸگٸنە يە بولادى.
