الماتىلىقتار دەنيس تەن جاراقات العان جەرگە گٷل شوقتارىن ەكەلۋدە, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
قايعىلى وقيعاعا ورتاقتاستىعىن بٸلدٸرٸپ, قولدارىنا گٷل ۇستاعانداردىڭ قاراسى ارتىپ كەلەدٸ. وقيعا بولعان جەردە 4-5 ساعات بۇرىن جٸگٸتتٸڭ «Lexus GX» كٶلٸگٸ تۇرعان ەدٸ. ماشينانى پوليتسييا قىزمەتكەرلەرٸ زاتتىق ايعاق رەتٸندە الىپ كەتتٸ.
«بۇل - تۇتاس ەلدٸڭ قازاسى! بٸز وليمپيادا ويىندارى كەزٸندە ٷنەمٸ جانكٷيەر بولاتىنبىز. كٶز جاسىمدى تىيۋ مٷمكٸن ەمەس. دەنيس مەنٸڭ اعاممەن ارالاسىپ تۇراتىن. ول قازٸر شىمكەنتتە. حابارلاسىپ ايتىپ ەدٸم, بٸردەن گٷل اپارۋىمدى ٶتٸندٸ», - دەدٸ نيكيتا زاكارين.
«مەن ونى تانىمايتىنمىن. بٸراق, بۇلاي بولعانى ٶتە قورقىنىشتى. مۇنداي سۇمدىق ازاماتتىق قوعامدا بولماۋى تيٸس», - دەدٸ قالا تۇرعىنى ۆلاديسلاۆ براگين.
قالالىق ٸٸد باسپاسٶز قىزمەتٸنٸڭ حابارلاۋىنشا, وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا بٷگٸن تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.وقيعانىڭ تەرگەلۋٸن قر ٸشكٸ ٸستەر مينيسترٸ قالمۇحانبەت قاسىموۆ تا جەكە باقىلاۋىنا العان بولاتىن.
