الماتىدا قازاقتىڭ كٶرنەكتٸ جازۋشىسى بەيٸمبەت مايليننٸڭ 125 جىلدىعىنا ارنالعان سپەكتاكل قويىلدى, دەپ حابارلايدى "ۇلت اقپارات".
قويىلىم مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ ساحناسىندا كٶرسەتٸلدٸ. سپەكتاكلدٸ تاماشالاۋعا عالىمدار, زييالى قاۋىم ٶكٸلدەرٸ, جازۋشىنىڭ ۇرپاقتارى, ۇستازدار مەن جاستار كەلدٸ.
ٸليياس وماروۆ اتىنداعى قوستاناي وبلىستىق قازاق دراما تەاترىنىڭ ەرتٸستەرٸ كٶرەرمەندەرگە جازۋشىنىڭ بالالىق شاعىن, جاس كەزٸن جەنە ٶمٸرٸنٸڭ سوڭعى جىلدارىن كٶرسەتە الدى. باس كەيٸپكەردٸڭ رٶلٸن نۇرلان بايشين سومدادى.
«سپەكتاكلدە ونىڭ ٶمٸربايانى كٶپ باياندالادى. ەرتٸستەر جازۋشى ٶمٸرٸنٸڭ سوڭعى جىلدارىن كٶرەمەندەرگە شىنايى كٶرسەتٸپ, شەبەر جەتكٸزە بٸلدٸ. ول كەزدە ونىڭ شىعارمالارىن مۇحتار ەۋەزوۆ, ٸليياس جانسٷگٸروۆ, سەكەن سەيفۋللين جەنە باسقا دا كٶرنەكتٸ تۇلعالار جوعارى باعالاعان», - دەيدٸ قازاقستان جازۋشىلار وداعى تٶراعاسىنىڭ ورىنباسارى باۋىرجان جاقىپ.
پەسانىڭ رەجيسسەرٸ ەلييا بايماحان بۇل قويىلىم قازاقتىڭ كٶرنەكتٸ جازۋشىسى بەيٸمبەت مايليننٸڭ شىعارماشىلىق مۇراسى ۇلتتىق بٸرەگەيلٸكتٸ ساقتاۋعا, ٶسكەلەڭ ۇرپاقتىڭ بويىندا رۋحاني-اعارتۋشىلىق قۇندىلىقتاردىڭ دامۋىنا ىقپال ەتەتٸندٸگٸن اتاپ ٶتتٸ.
«بٸز كٶپتەگەن زەرتتەۋلەر جٷرگٸزدٸك, كٸتاپحانالار مەن مۇراعاتتاردان اقپارات ٸزدەدٸك, ەرتٷرلٸ ادامدارمەن سٶيلەستٸك. بٸز ونىڭ ٶمٸرٸن تەك جازۋشى رەتٸندە عانا ەمەس, سونىمەن بٸرگە كٷيەۋ, ەكە رەتٸندە دە كٶرسەتكٸمٸز كەلدٸ. جاستار ٶز تاريحىن ۇمىتپاۋى كەرەك جەنە تاۋ تۇلعالار تۋرالى بٸلۋٸ تيٸس. بۇل ٶتە ماڭىزدى. جازۋشىنىڭ ٶمٸرٸ قيىن جەنە تٷرلٸ وقيعالارعا تولى بولدى, ول كٶپتەگەن جاعدايلاردى باستان ٶتكەردٸ. بەيٸمبەت مايلين ٶز حالقىنىڭ, ٶز ەلٸنٸڭ ناعىز پاتريوتى بولعان دەپ سانايمىن», - دەدٸ رەجيسسەر.
قويىلىم سوڭىندا, بەيٸمبەت مايليننٸڭ نەمەرەسٸ دەمەن سەيٸتجانوۆا اكتەرلەر مەن كٶرەرمەندەرگە العىسىن بٸلدٸردٸ.
بۇعان دەيٸن, سپەكتاكل پرەمەراسى قوستاناي وبلىسىندا جازۋشىنىڭ تۋعان جەرٸندە قويىلعان بولاتىن. الداعى ۋاقىتتا ەلٸمٸزدٸڭ باسقا ايماقتارىندا كٶرسەتٸلەدٸ.
