ۇلى وتان سوعىسىنىڭ مايدانگەرٸ شينكارەۆ يۆان افاناسەۆيچ بٷكٸل سوعىستى باستان ٶتكەردٸ, 17 جاسىندا ەسكەرگە شاقىرىلدى, پۋلەمەتشٸ بولدى, بالتىق ەلدەرٸندە سوعىسىپ, ٷش رەت جاراقات الىپ, ەلگە ورالدى.
يۆان افاناسەۆيچ 98 جاسقا تولار الدىندا ينسۋلت الىپ, باس ميىنىڭ ترومبوزىنان تۋىنداعان تسەرەبرالدى ينفاركت دياگنوزىمەن الماتى №4 قالالىق كلينيكالىق اۋرۋحاناسىنىڭ نەۆرولوگييالىق بٶلٸمشەسٸنە شۇعىل تٷردە جاتقىزىلدى.
«تاڭعى اس كەزٸندە قولىنان كەسەسٸن تٷسٸرٸپ العاندا, ارداگەردٸڭ نەمەرەلەرٸ ونىڭ جاعدايىنىڭ ناشارلاعانىن تٷسٸندٸ, سودان كەيٸن ول سٶيلەي المادى. جاقىندارى ونى شۇعىل تٷردە №4 قالالىق كلينيكالىق اۋرۋحانانىڭ نەۆرولوگييالىق قابىلداۋ بٶلٸمٸنە جەتكٸزدٸ. مۇندا ونى نەۆروپاتولوگ, تەراپەۆت جەنە رەانيماتولوگ ماماندار بٸرلەسٸپ تەكسەردٸ. قابىلداۋ بٶلٸمٸندە بٸز باس مي توموگرافيياسىن جاساپ, ناۋقاستى مامانداندىرىلعان بٶلٸمشەگە جاتقىزۋدى ۇيعاردىق. ونىڭ تٷسكەن كەزدەگٸ جالپى جاعدايى جٷرەك جەنە تسەرەبرالدى جەتكٸلٸكسٸزدٸككە بايلانىستى اۋىر دەپ باعالاندى», - دەيدٸ نەۆرولوگييا بٶلٸمشەسٸنٸڭ مەڭگەرۋشٸسٸ دينارا مۇحانعاليەۆا.
دەرٸگەرلەر كونسەرۆاتيۆتٸ ەمدەۋ تۋرالى شەشٸم قابىلدادى, ٶيتكەنٸ ناۋقاستا كٶپتەگەن قاتار جٷرەتٸن سوزىلمالى پاتولوگييا بولدى جەنە كەز كەلگەن حيرۋرگييالىق ارالاسۋدىڭ ارداگەر ٷشٸن قاۋپٸ جوعارى بولدى. كٷن سايىن ماماندار مايدانگەردٸڭ دەنساۋلىق جاعدايى مەن نەگٸزگٸ كٶرسەتكٸشتەرٸنە كلينيكالىق, زەرتحانالىق جەنە اسپاپتىق زەرتتەۋلەر جٷرگٸزدٸ. ناۋقاستى كٷندەلٸكتٸ تەراپەۆت, نەۆروپاتولوگ جەنە كارديولوگ دەرٸگەرلەر قاراپ تۇردى.
تٶرتٸنشٸ قالالىق اۋرۋحانانىڭ ەمدەۋشٸ دەرٸگەرٸ, نەۆروپاتولوگ جەڭگٸر ەبديەۆ اتاپ ٶتكەندەي, ەكگ, باس ميعا كت, ەحوكارديوگرافييا, اياق-قول تامىرلارىنا ۋدز, كەۋدە قۋىسى مٷشەلەرٸنە كت كٶرسەتكٸشتەرٸ ٷنەمٸ باقىلاۋدا بولدى.
ەمدەۋ نەتيجەسٸندە يۆان افاناسەۆيچتٸڭ جاعدايى تۇراقتالىپ, ساۋىعا باستادى, ال 10 كٷننەن كەيٸن 98 جاسقا تولعان كٷنٸ ارداگەر اۋرۋحانادان شىعارىلدى.
«بٸز تاماقتا اس تۇزىن شەكتەۋدٸ ۇسىندىق - بۇل ينسۋلت پەن ينفاركت قاۋپٸن 19-20%-عا تٶمەندەتەدٸ. كاليي مەن ماگنييگە باي جەمٸس پەن كٶكٶنٸستٸ كٶبٸرەك جەۋدٸ ۇسىندىق. تاعامعا تەڭٸز ٶنٸمدەرٸن ەنگٸزگەن دۇرىس. جانۋار مايلارىن تۇتىنۋدى ازايتقان جٶن. ناۋقاس قان قىسىمىن, قانداعى قانتتى ٷنەمٸ باقىلاۋدى قاجەت ەتەدٸ جەنە ۋچاسكەلٸك دەرٸگەر ۇسىنعان دەرٸ-دەرمەكتٸ كٷندەلٸكتٸ قابىلداۋدى ۇمىتپاۋى كەرەك. جەكە تاڭدالعان دەرٸ-دەرمەكتٸ ٷنەمٸ قولدانۋ ينسۋلت قاۋپٸن تاعى 40%-عا تٶمەندەتەدٸ», - دەپ اتاپ ٶتتٸ ەمدەۋشٸ دەرٸگەر, №4 قالالىق كلينيكالىق اۋرۋحانانىڭ نەۆروپاتولوگى, جەڭگٸر ەبديەۆ.
يۆان افاناسەۆيچتٸ ٷيدە ٷلكەن وتباسى - 2 بالاسى, 4 نەمەرەسٸ جەنە 8 شٶبەرەسٸ كٷتەدٸ.
