الماتىلىق كەلٸنشەك بالاسىنىڭ وڭ كٶزٸنە جاسالۋى تيٸس وتانى سول كٶزٸنە جاسادى دەپ دەرٸگەرلەردٸ ايىپتادى, دەپ حابارلايدى قازاقپارات.
بۇل تۋرالى قازاقستاندىق بلوگەر ايدىن توقسانباەۆا ەلەۋمەتتٸك جەلٸدەگٸ پاراقشاسىندا ايتتى.
«بالاممەن بٸرگە ماناس, 40 مەكەنجايىندا ورنالاسقان «بالالار شۇعىل مەديتسينالىق ورتالىعىنا» كۆوتا ارقىلى كٶزٸنە وپەراتسييا جاساتۋ ٷشٸن جاتتىم. ونىڭ وڭ كٶزٸندە كيستا بولعان. ول كەيٸن تٷسٸپ قالدى. دەرٸگەرلەر تٷبٸندە تامىرى قالىپ كەتتٸ, سونى الۋ كەرەك دەدٸ. كۆوتامەن كەلٸپ وتىرمىز. كەشە تٷننەن باستاپ ەشتەڭە جەگٸزبەي, ٸشكٸزبەي, تاڭەرتەڭ بالانى الىپ كەتتٸ. ەندٸ وڭ كٶزٸنە جاسالۋى كەرەك بولعانى وتانى سول كٶزٸنە جاساپ ەكەلٸپ تۇر», – دەيدٸ ايدىن توقسانباەۆا.
الماتى قالالىق دەنساۋلىق ساقتاۋ باسقارماسىنىڭ مەلٸمەتٸنشە, 4 جاستاعى پاتسيەنت جوسپارلى تٷردە بالالار شۇعىل مەديتسينالىق ورتالىعىنىڭ وفتالمولوگييا بٶلٸمٸنە جاتقىزىلعان.
«وپەراتسييا بٶلمەسٸندە ناركوز سالىنىپ, وڭ جاق قاباعىنا تەكسەرٸس جٷرگٸزٸلگەن. وندا ٶزدٸگٸنەن تٷسكەن حاليازيوننىڭ ورنى بولعان, حيرۋرگييالىق ارالاسۋدى قاجەت ەتپەدٸ. حاتتاماعا سەيكەس, سول جاق قاباعىن تەكسەرٸپ, كٸشٸ كٶلەمدەگٸ حاليازيون انىقتالدى. جاسالعان انەستەزييانى ەسكەرە كەلە حاليازيوندى الىپ تاستاۋ تۋرالى شەشٸم قابىلداندى. سولاي جاسالدى», – دەپ تٷسٸندٸردٸ باسقارمادان.
قازٸرگٸ ۋاقىتتا بالانىڭ جاعدايى بٸرقالىپتى. ەم قابىلداۋ وفتالمولوگييا بٶلٸمٸ جاعدايىندا جالعاسادى.
