الماتىلىق اتقىش يگور دۋجنوۆ بانككە عانا ەمەس, تانىستارىنا دا قارىزىن قايتارماي جٷرگەن, - دەپ حابارلايدى Tengrinews.kz.
الماتى قالالىق سوتى مەلٸمەتٸنە سٷيەنسەك, دۋجنوۆ اقشا الىپ, قايتارماعان تانىستارى ونى التى رەت سوتقا بەرگەن. سونداي-اق, 18 رەت جەكە سوت ورىنداۋشىلارى ونى سوتقا جاۋاپكەر رەتٸندە شاقىرعان. بۇدان بٶلەك, تاعى توعىز رەت الماتىلىق اتقىشتىڭ مٷلكٸنە تىيىم سالۋعا جەنە مەجبٷرلەپ سوتقا كەلتٸرۋگە تىرىسقان.
"2014-2021 جىلدارى يگور دۋجنوۆ التى ازاماتتىق ٸس بويىنشا سوتتا جاۋاپكەر بولعان. ول ۇزاق ۋاقىت بويى قارىزىن ٶتەمەگەن: كەيبٸرەۋلەرٸ ٷش, ال باسقالارى ٷشٸن التى جىل. سوندىقتان ەكٸ ادام ودان جالپى سوماسى 6,5 ميلليون تەڭگە قارىزدى ٶندٸرٸپ الۋ ٷشٸن جٷگٸنگەن. سونىمەن قاتار, جسش بەس ميلليون تەڭگەنٸ قايتارۋ تۋرالى جەنە بانك 118 ميلليون تەڭگەنٸ قايتارۋ تۋرالى تالاپ ارىز بەرگەن", - دەدٸ الماتى قالالىق سوتى باسپاسٶز قىزمەتٸنٸڭ مامانى نۇرسۇلتان ورىنباساروۆ.
ونىڭ ايتۋىنشا, ٷش سوت شەشٸمٸ بويىنشا دۋجنوۆتان 130 ميلليونعا جۋىق تەڭگە ٶندٸرٸلگەن. بٸراق ول تاعى ٷش ٸس بويىنشا ايىپتالۋشى. بۇل - بانكتٸڭ "مٷلٸكتٸ ٶندٸرٸپ الۋ تۋرالى" تالابى, سونىمەن قاتار ازاماتتاردىڭ "ەرلٸ-زايىپتىنىڭ ورتاق قارىزى رەتٸندە سومانى تانۋ جەنە ونىڭ وتباسىن شىعارۋ تۋرالى" ەكٸ تالابى.
"27 رەت سوت ورىنداۋشىلارى سوتقا جٷگٸندٸ. ولار دۋجنوۆتىڭ مٷلكٸنە تىيىم سالۋدى جەنە اقشانى مەجبٷرلەپ قايتارۋ ٷشٸن باسقا دا شارالاردى قولدانۋدى تالاپ ەتتٸ. سوت ورىنداۋشىلارى بورىشكەردٸڭ ورتاق مەنشٸكتەگٸ ٷلەسٸن انىقتاۋدى سۇرادى. سونىمەن قاتار, ولار سوت شەشٸمٸن ورىنداۋ ٷشٸن ەدٸس پەن پروتسەدۋرانى ٶزگەرتۋدٸ سۇرادى", - دەپ تولىقتىردى ورىنباساروۆ.
ايتا كەتەيٸك, 20 قىركٷيەكتە كەشكە الماتىدا اتىس بولدى. 54 جاستاعى ەر ادام ٷيدەن شىعارۋ تۋرالى سوت شەشٸمٸن ورىنداۋعا كەلگەن سوت ورىنداۋشىسىنا, پوليتسييا قىزمەتكەرلەرٸنە جەنە اۋلادا بولعان ٶزگە ەكٸ ادامعا اڭشى مىلتىعىنان وق جاۋدىرعان. نەتيجەسٸندە بەس ادام قازا تاپتى. ەكٸ پوليتسييا قىزمەتكەرٸ, بٸر جەكە سوت ورىنداۋشىسى جەنە ەكٸ تۇرعىن. ولاردىڭ بٸرٸ - ٷيدٸڭ جاڭا يەسٸ, ەكٸنشٸسٸ - ونىڭ تانىسى.
1967 جىلى تۋعان كٷدٸكتٸ ۇستالدى. ول 20 جىلعا نەمەسە ٶمٸر بويىنا دەيٸن باس بوستاندىعىنان ايىرىلۋى مٷمكٸن.
