ٶتكەن دەمالىس كٷندەرٸ بەسٸنشٸ الماتى جارتىلاي مارافونى ٶتتٸ. جارىسقا بارلىعى 5 500 ەۋەسقوي سپورتشى قاتىستى. ولاردىڭ اراسىندا 200-گە جۋىق سپورتشى ەلەمنٸڭ 28 ەلٸنەن كەلٸپ قاتىستى, دەپ حابارلايدى قازاقپارات.
شەتەلدٸك قاتىسۋشىلاردىڭ كٶپشٸلٸگٸ تمد ەلدەرٸنەن, الايدى ۇلىبريتانييا, اقش, اۆسترالييا سيياقتى مەملەكەتتەردەن كەلگەندەر دە بار.
ايتا كەتەرلٸگٸ, قورىتىندى بويىنشا ابسوليۋتتٸ ەسەپتە مەسكەۋدەن كەلگەن جارتىلاي مارافونشى جەڭٸل اتلەتيكادان حالىقارالىق دەرەجەدەگٸ سپورت شەبەرٸ ريناس احمادەەۆ جەڭٸمپاز اتاندى. ونىڭ مەرە ۋاقىتى - 1 ساعات 5 مينۋت 11 سەكۋند, بۇل الماتى جارتىلاي مارافونى تراسساسىنىڭ 21.1 كم-دەگٸ جاڭا ابسوليۋتتٸ رەكورد.
«ەلٸمٸزدە ٶتەتٸن مارافوندار ەلەم سايىستارىنىڭ كارتاسىنا تٷسٸپ, حالىقارالىق ٸس-شارالار دەڭگەيٸنە شىققانىنا ٶتە قۋانىشتىمىن. بۇل جاعداي ٸشكٸ تۋريزمگە سەرپٸن بەرٸپ قانا قويماي, سىرتتان كەلەتٸن تۋريستەر ٷشٸن دە تارتىمدى وقيعاعا بولماق», - دەدٸ جارىستى ۇيىمداستىرۋشى سالتانات قازىباەۆا.
«مۇنداي ٸس-شارالار قازاقستاندىق جەنە شەتەلدٸك تۋريستەردٸڭ نازارىن اۋدارادى. سوندىقتان سوڭعى بٸرنەشە جىلدارى وسىنداي ٸس-شارالاردىڭ ۇيىمداستىرۋشىلارىن بارىنشا قولداۋعا تىرىسىپ جٷرمٸز. مىسالى, Business Media Central Asia كٶرمە حولدينگٸمەن, «بٸرٸنشٸ بولۋ – باتىلدىق» قورىمەن بٸرلەسٸپ, وسى جىلدىڭ ماۋسىم ايىندا ەلوردادا «Qazaqstan Live Fest» ٸس-شاراسىن ٶتكٸزۋدٸ جوسپارلاپ وتىر», - دەدٸ Kazakh Tourism ۇلتتىق كومپانيياسىنىڭ باسقارما تٶراعاسى تالعات امانباەۆ.
Kazakh Tourism باسپاسٶز قىزمەتٸنٸڭ حابارلاۋىنشا, Qazaqstan Live Fest-تۋريزم, سپورت جەنە بەلسەندٸ ٶمٸر سالتىنا ارنالعان جاڭا شارا. فەستيۆال اياسىندا 2022 جىلدىڭ 19 ماۋسىمىندا العاشقى استانالىق Nur-Sultan Half Marathon جارتىلاي مارافونى باستاۋ الادى. مارافوننىڭ مەرەسٸ مەن سٶرەسٸ «EXPO» حالىقارالىق كٶرمە ورتالىعىنىڭ اۋماعىندا ٶتەدٸ.
