الماتىداعى ورتالىق قالالىق كلينيكالىق اۋرۋحانانىڭ باسشىسى مٸندەتٸن اتقارۋشى بولىپ مارات ابدۋللاەۆ تاعايىندالدى, دەپ حابارلايدى "ۇلت اقپارات".
ەسكە سالا كەتسەك, 14 سەۋٸردە الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ بۇيرىعىمەن الماتى قالالىق ورتالىق اۋرۋحاناسىنىڭ مەڭگەرۋشٸسٸ الماس بولاتۇلى جۋۆاشەۆ قىزمەتٸنەن بوساتىلعان ەدٸ.
مەديتسينالىق ۇيىم باسشىسىنىڭ مٸندەتٸن بٷگٸنگٸ تاڭدا مارات ابدۋللاەۆ اتقارىپ جاتىر.
ايتا كەتەر بولساق, اتالمىش اۋرۋحانادا مەدقىزمەتكەرلەر جاپپاي كوروناۆيرۋس جۇقتىرعان بولاتىن. ولاردىڭ كەيبٸرٸ «كٶكتەم» شيپاجايىنا كارانتينگە جاتقىزىلعان. ولار ۆيدەوٷندەۋ تٷسٸرٸپ, مينيستردٸڭ اتالمىش جاعدايعا نازار اۋدارۋىن ٶتٸنگەن ەدٸ.
ورتالىق اۋرۋحاناداعى جاپپاي كوروناۆيرۋس جۇقتىرۋ دەرەگٸن تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ باسشىسىنىڭ ورىنباسارى نۇرحان سەدۋاقاسوۆ تەكسەرەتٸنٸ بەلگٸلٸ بولدى.
