الماتىداعى قۇرىلىس الاڭىندا ٶزبەكستاننان كەلگەن 30-دان استام گاستاربايتەر ۇستالدى. بۇل تۋرالى قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
پوليتسييا دەپارتامەنتٸ تاراتقان مەلٸمەتكە سەيكەس, كٶرشٸ مەملەكەتتەن كەلگەن كەلٸمسەكتەر قالانىڭ الاتاۋ اۋدانىنداعى قۇرىلىس الاڭىندا انىقتالدى. شەتەلدٸكتٸڭ جەكە كۋەلٸگٸ بولماعان, وسىعان بايلانىستى, ولار پوليتسييا دەپارتامەنتٸنٸڭ قابىلداپ-تاراتۋ بٶلٸمٸنە ورنالاستىرىلدى.
«ۇستالعانداردىڭ ەرقايسىسىنىڭ كٸم ەكەنٸن انىقتاعاننان كەيٸن, ولاردى قالامىزدىڭ اۋماعىندا كەز كەلگەن قۇقىق بۇزۋشىلىقتار مەن قىلمىستارعا قاتىستىلىعىن تەكسەرەمٸز. سودان كەيٸن ولار ەكٸمشٸلٸك جاۋاپقا تارتىلىپ, قازاقستاننان شىعارىلادى. ايتپاقشى, ٶتكەن كٷنٸ ٶزبەكستان رەسپۋبليكاسىنىڭ الماتى قالاسىنداعى كونسۋلدىعىمەن بٸرگە سوتتىڭ شەشٸمٸمەن بۇرىن قازاقستاننان شىعارىلعان ٶزبەكستاننىڭ 16 ازاماتىن ەلٸنە قايتارۋ جۇمىسى ۇيىمداستىرىلدى», – دەدٸ الماتى قالالىق پد كٶشٸ-قون قىزمەتٸ باسقارماسىنىڭ باستىعى اسحات بۋتۋنچينوۆ.
سونداي-اق سپيكەر 7-16 ماۋسىم ارالىعىندا ٶتكٸزٸلگەن «كەلٸمسەك» ٸس-شاراسى بارىسىندا 1 785 ادام كٶشٸ-قون زاڭناماسىن بۇزعانىن انىقتادى. ولاردىڭ 1 262-سٸ شەتەلدٸك. 102 شەتەلدٸك قازاقستان رەسپۋبليكاسىنان شىعارىلدى, ونىڭ توعىزى ازاماتتىق ٸس جٷرگٸزۋ تەرتٸبٸمەن.
«سونىمەن قاتار شەتەلدٸكتەردٸڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ جٶنٸندەگٸ شارالاردى قابىلداماعانى ٷشٸن ازاماتتاردى قابىلداۋشى 467 تۇلعا جاۋاپقا تارتىلدى. قازاقستان رەسپۋبليكاسىنا شەتەلدٸك جۇمىس كٷشٸن تارتۋ ەرەجەلەرٸن بۇزعانى ٷشٸن 56 جۇمىس بەرۋشٸگە ايىپپۇل سالىندى. سونداي-اق ٸس-شارا ۋاقىتىندا زاڭسىز كٶشٸ-قون ارناسىن ۇيىمداستىرۋدىڭ ٷش فاكتٸسٸ انىقتالدى», – دەدٸ پوليتسييا ٶكٸلٸ.
