الماتىدا وليمپيادا ويىندارىنىڭ قولا جٷلدەگەرٸ, قازاقستاندىق مەنەرلەپ سىرعاناۋشى دەنيس تەننٸڭ ەسٸمٸ كٶشەلەردٸڭ بٸرٸنە رەسمي تٷردە بەرٸلدٸ, دەپ حابارلايدى ult.kz. Tengri Life-قا سٸلتەمە جاساپ.
جاڭا كٶشە بوستاندىق اۋدانىنداعى ارحات شاعىناۋدانىندا, تۇڭعىش پرەزيدەنت ساياباعىنىڭ وڭتٷستٸگٸندە ورنالاسقان. بۇرىنعى 7-كٶشەگە دەنيس تەننٸڭ ەسٸمٸ بەرٸلدٸ.
بۇل شەشٸم الماتىداعى بۇرىن اتاۋى بولماعان كٶشەلەرگە رەسمي اتاۋ بەرۋ جۇمىستارى اياسىندا قابىلداندى. جالپى قالاداعى الاتاۋ, ەۋەزوۆ, بوستاندىق, جەتٸسۋ, مەدەۋ, ناۋرىزباي جەنە تٷركسٸب اۋداندارىنداعى 150-دەن استام كٶشەگە جاڭا اتاۋ بەرٸلگەن.
رەسمي قۇجاتقا سەيكەس, ارحات شاعىناۋدانىنداعى ٶزگە كٶشەلەر دە بەلگٸلٸ تۇلعالاردىڭ قۇرمەتٸنە اتالدى. اتاپ ايتقاندا, 2-كٶشەگە – ەمەن قايداروۆتىڭ, 3-كٶشەگە – بايدۇللا سابدىكەەۆتٸڭ, 4-كٶشەگە – سارقاننىڭ, 5-كٶشەگە – عابباس جۇماتوۆتىڭ ەسٸمٸ بەرٸلدٸ. ال تۇيىق كٶشەلەردٸڭ بٸرٸ سٸلەتٸ, ەكٸنشٸسٸ حرومتاۋ اتاۋىن يەلەندٸ.
سونىمەن قاتار الماتىنىڭ باسقا اۋداندارىنداعى اتاۋسىز كٶشەلەرگە دە قوعام قايراتكەرلەرٸنٸڭ, مەدەنيەت پەن عىلىم ٶكٸلدەرٸنٸڭ, سونداي-اق قالالار مەن تاريحي-گەوگرافييالىق نىسانداردىڭ اتاۋى بەرٸلدٸ. ولاردىڭ قاتارىندا امانتاي بايتاناەۆ, حو شي مين, ناتاليا ساتس, قايىم مۇحامەدحانوۆ, ەبدٸجەمٸل نۇرپەيٸسوۆ, مۇزافار ەلٸمباەۆ, سمايىل ٶتەگەنوۆ, ماۋىتحان سىدىقوۆ, بەكەش مەدەليەۆ جەنە اناتوليي حراپاتىي سيياقتى تۇلعالاردىڭ ەسٸمدەرٸ بار.
ەسكە سالايىق, دەنيس تەننٸڭ ەسٸمٸن الماتى كٶشەلەرٸنٸڭ بٸرٸنە بەرۋ تۋرالى شەشٸم بىلتىر كٷزدە بەلگٸلٸ بولعان ەدٸ. ول كٶرنەكتٸ تۇلعالاردىڭ ەسٸمٸن مەڭگٸ ەستە قالدىرۋعا باعىتتالعان قالالىق باعدارلاما اياسىندا قابىلدانعان.
دەنيس تەن – قازاقستان تاريحىنداعى ەڭ تابىستى مەنەرلەپ سىرعاناۋشىلاردىڭ بٸرٸ. ول 2014 جىلى سوچيدە ٶتكەن قىسقى وليمپيادا ويىندارىنىڭ قولا جٷلدەسٸن جەڭٸپ الىپ, ەلٸمٸزدٸڭ مەنەرلەپ سىرعاناۋ تاريحىندا ەرەكشە ٸز قالدىردى. سپورتشى 2018 جىلدىڭ 19 شٸلدەسٸندە الماتىدا اۆتوكٶلٸگٸنٸڭ ايناسىن ۇرلاماق بولعان كٷدٸكتٸلەردٸ توقتاتپاق بولعان سەتتە العان جاراقاتىنان كٶز جۇمعان.
