ەلٸمٸزدە «امانات» قوعامدىق كوميسسيياسى قۇرىلدى. بٷگٸن الماتىدا كوميسسييا مٷشەلەرٸ ونىڭ ماقساتى مەن جۇمىسى جايلى ەڭگٸمەلەپ بەردٸ, دەپ حابارلايدى قازاقپارات.
«امانات» قوعامدىق كوميسسيياسىنىڭ جەنە ۇلتتىق كەڭەستٸڭ مٷشەسٸ ۋايس ەرسايىنۇلىنىڭ ايتۋىنشا, كوميسسييانىڭ ماقساتى - قاڭتار وقيعالارىنان كەيٸن قاماۋعا الىنعان كٸنەسٸز ازاماتتاردىڭ بوستاندىققا شىعۋىنا كٶمەكتەسۋ.
«الماتىدا قاڭتار وقيعالارىنان كەيٸن كٶپتەگەن جازىقسىز ادامدار ۇستالىپ, قامالىپ جاتىر. بۇل جايت قازاقستاندىقتاردىڭ جانىنا قاتتى باتتى. سوندىقتان بٸز ٶز باستامامىزبەن «امانات» قوعامدىق كوميسسيياسىن قۇردىق. بٸز حالىقتىڭ ٷلكەن اماناتىن ارقالاپ وتىرمىز», - دەدٸ ۋايس ەرسايىنۇلى.
قوعامدىق كوميسسييانىڭ تٶراعاسى ابزال قۇسپاننىڭ ايتۋىنشا, كٶپشٸلٸك قر قىلمىستىق كودەكسٸنٸڭ 272-بابى بويىنشا ٸستٸ بولعانداردى بوساتۋدى سۇراپ وتىر.
«مەن قىلمىستىق كودەكستٸڭ 272-بابى 3 بٶلٸمنەن تۇراتىنىن تٷسٸندٸرگٸم كەلەدٸ. 272-باپتىڭ 1-بٶلٸمٸندە - ۇيىمداستىرۋشىلارعا, 2-بٶلٸمٸندە - قاتىسۋشىلارعا, 3- بٶلٸمٸندە - اراڭداتۋشىلارعا جازا كٶزدەلگەن. بٸز 272-باپتىڭ 2-بٶلٸمٸنە باسا كٶڭٸل بٶلٸپ وتىرمىز, سەبەبٸ, كٶپ جاعدايدا بەلگٸسٸز ۇيىمداستىرۋشىلار مەن ارانداتۋشىلاردىڭ سٶزٸنە ەرٸپ, ابايسىزدا ارانداپ قالعان ازاماتتار «قاتىسۋشىلار» بولىپ سانالادى», - دەدٸ ابزال قۇسپان.
سونداي-اق, ونىڭ ايتۋىنشا, كوميسسييانىڭ ارالاسۋىمەن الماتىدا بٸر اپتا ٸشٸندە 36 ادام بوستاندىققا شىقتى
«شىعارىلعان 36 ادامنىڭ تەڭ جارتىسى - جارالىلار. 36 ادامنىڭ ٸشٸندە 2 كەمەلەتكە تولماعان بالا بار. بٸزدٸڭ تٸزٸمدە بوستاندىققا شىعۋى تيٸس تاعى 3 بالا تۇر. جالپى, بٸز جارالىلار تٷگەل بوساتىلۋى كەرەك دەگەن ۇسىنىس ايتىپ جاتىرمىز», - دەدٸ ول.
كوميسسييا مٷشەسٸ, ادۆوكات مەدي مىرزاعاراەۆتىڭ ايتۋىنشا, قاماۋدا وتىرعان ەيەلدەر, 18-گە تولماعان بالالار, جاراقات العاندار, توناۋ مەن ۇرلىققا قاتىسپاعان, بەيبٸت شەرۋگە شىققانازاماتتاردىڭ قوعامعا ەشقانداي قاۋپٸ جوق.
«ولار قىلمىسكەرلەر ەمەس, سەبەبٸ, ولار قالانى توناۋعا قاتىسقان جوق. دەمەك, ولاردى قوعامعا قاۋٸپسٸز دەپ ساناپ, تەرگەۋ اياقتالعانعا دەيٸن باس بۇلتارتپاۋ شاراسىن ٶزگەرتٸپ, قاماۋدان ەشقايدا كەتپەۋ تۋرالى قولحاتقا اۋىستىرۋ قاجەت دەپ سانايمىز. بٸز قۇقىق قورعاۋ, پروكۋراتۋرا ورگاندارىنىڭ الدىندا وسى مەسەلەنٸ قويىپ وتىرمىز. سەبەبٸ, جازىقسىز جانداردىڭ بٸر كٷن بولسا دا اباقتىدا ارتىق وتىرۋى ولار ٷشٸن ازاپ»,- دەدٸ ادۆوكات مەدي مىرزاعاراەۆ.
سونداي-اق, ول «امانات» كوميسسيياسىنىڭ اتىن جامىلىپ, تەرگەۋ يزولياتورىنىڭ جانىندا بەلگٸسٸز بٸر توپ ادامنىڭ جٷرگەنٸن ايتتى.
«ولار قاماۋدا وتىرعان ازاماتتاردىڭ اتا-انالارى مەن تۋىستارىنا «بٸز امانات كوميسسيياسىنانبىز, مٷشەلەرٸمٸز» دەيتٸن كٶرٸنەدٸ. ولار مۇنى قانداي پيعىلمەن, نە ماقساتپەن ايتىپ جاتقانى بٸزگە بەلگٸسٸز. سول ٷشٸن ازاماتتاردى ساقتاندىرعىمىز كەلەدٸ. سەبەبٸ, قازٸرگٸ سەتتٸ پايدالانىپ, ٶزٸنٸڭ باس پايداسىن ويلايتىن ادامدار تابىلۋى مٷمكٸن. مەن «امانات» كوميسسيياسىنىڭ جۇمىسى تەگٸن, اقىسىز, بٸزگە ەشقانداي ماراپات, سىياقى كەرەك ەمەس ەكەنٸن ەسكە سالعىم كەلەدٸ. ەگەر بٸرەۋ «امانات» كوميسسيياسىنىڭ مٷشەسٸمٸن, سٸزگە كٶمەكتەسەم, جاقىنىڭىزدى, تۋىسىڭىزدى شىعارىپ بەرەم» دەپ ول ٷشٸن اقشا, سىيلىق سۇراپ, دەمەتەتٸن بولسا, ولارعا الدانىپ قالماڭىزدار», - دەدٸ ول.
ابزال قۇسپاننىڭ ايتۋىنشا, كوميسسييا الداعى ۋاقىتتا ەل ٶڭٸرلەرٸن ارالاۋعا شىعادى.
«سەمەي قالاسىنا الماتى قالاسىنىڭ تۇرعىنى, بەلگٸلٸ زاڭگەر ەرلان قاليەۆ بٷگٸن جەتتٸ. ول پروكۋراتۋرا ورگاندارىمەن بٸرلەسە كوميسسييا اتىنان سوندا جۇمىس جاسايدى. باسقا ٶڭٸرلەرگە ٶزٸمٸز بارىپ, بارلىق جاعدايمەن تانىسىپ, جۇمىس جٷرگٸزەتٸن بولامىز. بٸز 200 اداممەن جەكە كەزدەسٸپ جەنە ولاردىڭ ٸس ماتەريالدارىن قاراستىرۋدامىز. بٸراق ەلٸ قاراپ ٷلگەرمەگەن ماتەريالدار دا بار. ٶڭٸرلەردٸ ارالاپ بولعان سوڭ, الماتىعا قايتا ورالامىز. بٸز تەك قىلمىستىق ٸستەرمەن عانا اينالىسۋدامىز», - دەپ قورىتىندىلادى ول.
