الماتىدا قر پرەزيدەنتٸ نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان مٸندەتتەردٸڭ بٸرٸ - «جاھانداعى زاماناۋي قازاقستاندىق مەدەنيەت» جوباسى بويىنشا قۇرىلعان جۇمىس توبىنىڭ العاشقى وتىرىسى ٶتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
جيىندا قر پرەزيدەنتٸ ەكٸمشٸلٸگٸ ٸشكٸ ساياسات بٶلٸمٸنٸڭ مەڭگەرۋشٸسٸ ايدا بالاەۆا اتالعان جوبا ەلەمنٸڭ ماڭدايالدى تۋىندىلارى قاتارىنا تەۋەلسٸزدٸك جىلدارى جارىققا شىققان قازاقستاننىڭ مەدەني قۇندىلىقتارىن قوسۋعا, سونداي-اق, بولاشاقتا ونىڭ ەلەمدٸك مەدەنيەتتٸڭ بٸر بٶلشەگٸنە اينالۋىنا جول اشاتىنىن ايتتى.
ٸرٸكتەلٸپ الىنعان تۋىندىلار ەلٸمٸزدە ٶمٸر سٷرٸپ جاتقان بارلىق مەدەنيەتتەر مەن ۇلتتاردىڭ ۇلتارالىق پاليتراسىن قامتۋى كەرەك.
وسى سالا بويىنشا قۇرىلعان جۇمىس توبى مەدەني تۋىندىلاردى ٸرٸكتەۋ بويىنشا ۇيىمداستىرۋ جۇمىستارىن جٷيەلەۋدٸ باستاماق. جۇمىس توبىنىڭ مٷشەسٸ عالىم ەرلان سايىروۆ «بۇل جوبا حالىق اراسىندا ەلەۋمەتتٸك وپتيميزمدٸ تۋدىرادى» دەگەن پٸكٸر ايتتى.
«جاھاندىق زاماناۋي قازاقستاندىق مەدەنيەت» اتتى جوبانىڭ بٸرٸنشٸ وتىرىسى ٶتتٸ. بۇل جەردەگٸ نەگٸزگٸ ماقسات - بارلىق شىعارماشىلىق ورتالىق ٶكٸلدەرٸنٸڭ باسىن قوسىپ, ەلباسى مٸندەتٸن جٷزەگە اسىرۋ. ول مٸندەت - كەلەسٸ جىلدان باستاپ, بٸرٸككەن ۇلتتار ۇيىمىنىڭ التى تٸلٸندە قازاق تٸلٸ, ەدەبيەتٸ, مەدەنيەتٸ, ٶنەر, تەاتر, كينو سالاسى بويىنشا ٷزدٸك تۋىندىلاردى حالىقارالىق دەڭگەيگە شىعارۋ. بۇل جوبا حالىقتىڭ اراسىندا ەلەۋمەتتٸك وپتيميزمدٸ تۋدىرادى. سونىمەن قاتار, بولاشاقتا قازاقستاننىڭ ستراتەگييالىق رەسۋستارىن جاسايدى دەپ ويلايمىن. ٶنەر سالاسىندا جۇمىس توبى قۇرىلدى, سول جۇمىس توبى اياسىندا ساراپشىلار قۇرىلادى. ساراپشىلار توبى شورت-پاراق ارقىلى جۇمىس ٸستەيدٸ. ناقتىراق ايتقاندا, قازاقستانداعى ٶنەردٸڭ 4 باعىتى بويىنشا, ەڭ ٷزدٸك تۋىنداردى جينايدى. سوسىن, وسى جىلدىڭ ەكٸنشٸ جارتىسىندا بٷكٸلحالىقتىق تالقىلاۋعا ۇسىنىلادى. تالقىلاۋدان ٸرٸكتەلٸنگەن شىعارمالار مەملەكەتتٸك كوميسسيياعا جٸبەرٸلەدٸ», - دەدٸ جۇمىس توبىنىڭ مٷشەسٸ, ساياساتتانۋشى ەرلان سايىروۆ.
كسرو جەنە قازاقستان جازۋشىلار وداعىنىڭ مٷشەسٸ ليۋبوۆ شاشكوۆا اتالعان جوبانىڭ باستى ماقساتىنىڭ بٸرٸ قازٸرگٸ قازاقستاننىڭ اۆتورلارى مەن شىعارمالارىن تانىمال ەتۋ ەكەنٸن ايتتى.
«ەلەمدە باسىلىپ جاتقان, تەاتر ساحنالارىندا قويىلىپ جاتقان, مۋزىكالىق الاڭداردا ورىندالىپ جاتقان كوريفەيلەرٸمٸزدٸ تانيمىز, كلاسسيكامىزدى, ۇلى فولكلورىمىزدى بٸلەمٸز, ال قازاقستاندا تەۋەلسٸزدٸك جىلدارى قانداي تۋىندىلار جارىققا شىقتى, جاستار نە جازدى, مٸنە, وسىنى تانىتۋ - مٸندەت», - دەدٸ ول.
جيىندا زاماناۋي مەدەنيەتتٸڭ ٷزدٸك ٷلگٸلەرٸنٸڭ تٸزبەسٸن جاساۋ ٷشٸن جۇمىس توبىنا قاجەت ٸرٸكتەۋدٸڭ ناقتى كريتەرييلەرٸ ايتىلدى. ناقتىراق ايتقاندا, بٸرٸنشٸدەن, تۋىندى قازاقستاننىڭ تەۋەلسٸزدٸگٸ كەزەڭٸندە دٷنيەگە كەلگەن بولۋى شارت, ەكٸنشٸ, قوعامدا حالىق مويىنداعان, تانىلعان اۆتورلار بولۋى كەرەك. ٷشٸنشٸ, جارىق كٶرگەن تۋىندى (كٸتاپ, فيلموگرافييا, تەاتر قويىلىمى, كٶرمەلەرگە قاتىسۋ ت.ب.) قوعامدا تانىمال بولۋى تيٸس. تٶرتٸنشٸ, تۋىندى جاڭاشىلدىعىمەن, بٸرەگەيلٸگٸمەن, زيياتكەرلٸگٸمەن, وبرازدىلىعىمەن, ۇلتتىق بولمىسىمەن ەرەكشەلەنۋٸ تيٸس. بەسٸنشٸ, تۋىندى جوعارى كەسٸبي دەڭگەيگە, مەدەني, ەدەبي تالعامعا, ساحنالىق مەدەنيەتكە ساي بولۋى قاجەت.
التىنشى, تۋىندى زورلىق-زومبىلىقتى, دٸني ارازدىقتى, ناشاقورلىقتى ناسيحاتتاماۋى تيٸس. جەتٸنشٸ, ٸرٸكتەۋ كەزٸندە قازاقستان اۋماعىندا تۇراتىن بارلىق مەدەنيەت ٶكٸلدەرٸ, ۇلتتىق پاليترا ەسكەرٸلۋٸ قاجەت. ايتا كەتەيٸك, تۋىندىلاردى ٸرٸكتەۋ 3 كەزەڭ بويىنشا جٷزەگە اسىرىلماق. تۋىندىلارعا تيٸستٸ ساراپتاما مەن ٸرٸكتەۋ جٷرگٸزٸلگەن سوڭ, جۇمىستاردىڭ تٸزٸمٸ جۇمىس توبىنىڭ جالپى وتىرىسىندا تالقىلانىپ, ۇلتتىق كوميسسييانىڭ قاراۋىنا, بەكٸتۋٸنە جٸبەرٸلەدٸ.
