قالالىق پوليتسييا دەپارتامەنتٸ مەن پروكۋراتۋرا ۇرلانعان مٷلٸكتٸ قىرعىزستانعا اپارىپ ساتىپ جٷرگەن كانالدى ەشكەرەلەدٸ, دەپ حابارلايدى "ۇلت اقپارات".
ارنايى وپەراتسييا «قورداي» كەدەن بەكەتٸنٸڭ ماڭىندا بولدى. قازاقستان رەسپۋبليكاسىنىڭ مەملەكەتتٸك شەكاراسىنان شىعىپ بارا جاتقاندا پوليتسييا «حوندا» ماركالى كٶلٸگٸن توقتاتقان. كٶلٸكتٸ 23 جاستاعى قىرعىزستان ازاماتى تٸزگٸندەگەن. اۆتوكٶلٸكتٸ تٸنتۋ كەزٸندە باگاج بٶلٸمٸنەن ارنايى قۇجاتى جوق 45 ۇيالى تەلەفون تابىلدى.
«بۇل دەرەك قر قك 196-بابى بويىنشا بٸرىڭعاي تەرگەۋ ٸسٸ رەەسترٸنە تٸركەلدٸ. ۇستالعان جٷرگٸزۋشٸ جاز ايىنان بەرٸ الماتىدا ۇستالعان تەلەفونداردى ارزان باعامەن ساتىپ الىپ جٷرگەنٸن مويىنداعان. ول بۇل تەلەفونداردى الماتىداعى «مەگا تاۋ» ساۋدا ٷيٸندە تەلەفون ساتۋمەن اينالىساتىن ەر ادامنان الىپ وتىرعان. جٷرگٸزۋشٸ وتانداسىمەن بٸرگە الماتىعا كٷندە كەلٸپ, ۇستالعان تەلەفوندار مەن گادجەتتەردٸ الىپ كەتٸپ بٸشكەكتە ساتىپ وتىرعان. قازٸر «مەگا تاۋ» ساۋدا ٷيٸنٸڭ ساۋداگەرٸ دە ۇستالدى. ول ۇرلانعان تەلەفونداردى ساتۋمەن اينالىسقانىن مويىندادى. ونىڭ تۇراتىن جەرٸن تەكسەرگەن كەزدە 64 ۇرلانعان تەلەفون تابىلعان», - دەدٸ پد كريمينالدى پوليتسييا باسقارماسىنىڭ باسشىسى جانبولات زيادين.
ۇستالعاندار قاماۋعا الىندى. جاقىن ارادا قىرعىزستانعا شەكارا اسقان تەلەفوندار الماتىعا قايتارىلادى.
وسىدان بٸرنەشە جىل بۇرىن پوليتسييا الماتىدان قىرعىزستانعا زاڭسىز جٸبەرٸلگەن 100 ۇيالى تەلەفوندى ٶز يەلەرٸنە قايتارعان بولاتىن.
