بۇعان دەيٸن جەلٸدە 39 جاستاعى ناتاليا ياكوۆلەۆانىڭ اياق استىنان جوعالىپ كەتكەنٸ تۋرالى اقپارات تاراعان. ول - الماتىلىق تانىمال ادۆوكات الەكسەي بالاكيننٸڭ جارى, دەپ حابارلايدى ۆaq.kz اقپارات اگەنتتٸگٸ.
ادۆوكاتتىڭ دوستارى Facebook ارقىلى جوعالعان ەيەلدٸ تابۋعا كٶمەكتەسۋدٸ سۇراعان. ولار ناتاليانىڭ جوعالۋىن كٷيەۋٸنٸڭ قىزمەتٸمەن بايلانىستىردى, دەپ جازادى «NewTimes.kz» پورتالى.
دوستارى ەيەلدٸ ٷيٸنٸڭ قاسىنداعى تۇراقتا تۇرعان كٶلٸكتەن ۇرلاپ كەتتٸ دەگەن اقپارات تاراتتى. ول كەزدە كٷيەۋٸ بٸر شارۋامەن بٸرنەشە مينۋتقا كٶلٸكتەن تٷسٸپ كەتكەن. الەكسەي قايتىپ كەلسە, ەيەلٸ كٶلٸكتە جوق بولادى. ۇيالى تەلەفونى سٶندٸرۋلٸ. سودان سوڭ ول تۋىستارى مەن دوستارىنا, سونداي-اق پوليتسيياعا حابارلاسادى.
الماتى ٸٸد-دە ناتاليا ياكوۆلەۆانىڭ جوعالۋ فاكتٸسٸنە قاتىستى تٷسٸنٸكتەمە بەردٸ. كٷيەۋٸ حابارلاسقاننان كەيٸن بٸرنەشە ساعات ٶتكەن سوڭ برۋسيلوۆسكيي كٶشەسٸنٸڭ بويىندا ورنالاسقان كٶپ قاباتتى ٷيدٸڭ اۋلاسىنان ن. ياكوۆلەۆانىڭ مەيٸتٸ تابىلدى. ونىڭ دەنەسٸندە ەشقانداي زورلىق بەلگٸلەرٸ بولماعان.
«باقىلاۋ كامەرالارىنداعى دەرەكتەرگە سٷيەنسەك, ەيەل جالعىز ٶزٸ ٷيگە كٸرٸپ, ليفتكە مٸنگەن. كەيٸن جەتٸنشٸ قاباتتىڭ پودەزٸندەگٸ بالكوننان قۇلايدى», - دەپ ناقتىلادى پوليتسييا ٶكٸلدەرٸ.
قۇقىققورعاۋ ورگاندارىنىڭ حابارلاۋىنشا, سوت-مەديتسينالىق ساراپتاما جٷرٸپ جاتىر.
الەكسەي بالاكيننٸڭ دوستارى مەن ەرٸپتەستەرٸ سۋيتسيد بولۋى مٷمكٸن دەگەنگە سەنبەيدٸ. ولار قايتىس بولعان ەيەلدٸڭ وتباسىن ٷلگٸلٸ دەپ ەسەپتەيدٸ. وتباسىندا ەشقانداي پروبلەما بولماعان.
ناتاليا ياكوۆلەۆانىڭ ارتىندا كٸشكەنتاي ەكٸ بالاسى قالدى.
