الماتى قالاسىندا كوروناۆيرۋس ينفەكتسيياسىن تاعى بٸر ادام جۇقتىرعانى انىقتالدى. بۇل تۋرالى "ۇلت اقپارات" قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ تەلەگرام كانالىنا سٸلتەمەمەن حابارلايدى.
«قازاقستانداعى كوروناۆيرۋس بويىنشا 22 ناۋرىز, ساعات 13:30-داعى جاعداي: كوروناۆيرۋس ٸندەتٸن جۇقتىرعان تاعى 1 ادام الماتى قالاسىندا تٸركەلدٸ. وسى ساعاتتا نۇر-سۇلتان قالاسى بويىنشا 31 ادام, الماتى قالاسىندا – 23 ادام, قاراعاندى قالاسىندا - 2, الماتى وبلىسىندا - 1 ادام — جالپى 57 ناۋقاس تٸركەلدٸ» دەلٸنگەن حابارلامادا.
ايتا كەتەيٸك, بٷگٸن تاڭەرتەڭ ەلوردادا تاعى 2 ادام ينفەكتسييا جۇقتىرعانى حابارلانعان بولاتىن.
