الماتىلىق دەرٸگەرلەر ٶكپەسٸ 90% زاقىمدانعان جٷكتٸ ەيەلدٸ امان-ەسەن بوساندىرىپ الدى, دەپ حابارلايدى "ۇلت اقپارات".
الماتى قالالىق دەنساۋلىق ساقتاۋ باسقارماسىنىڭ حابارلاۋىنشا, 2 شٸلدە كٷنٸ الماتى قالاسىنداعى №2 پەرزەنتحاناعا 23 جاستاعى ەيەل جٷكتٸلٸكتٸڭ 38 اپتاسىندا جوسپارلى تٷردە بوسانۋعا كەلگەن.
«ول پەرزەنتحاناعا جوعارى تەمپەراتۋرا, جٶتەل جەنە ەنتٸگۋمەن تٷستٸ. ناۋقاستى تەكسەرۋ كەزٸندە دەرٸگەرلەر COVID-19, ەكٸ جاقتى پوليسەگمەنتارلى پنەۆمونييا دياگنوزىن قويدى. سونىمەن قاتار, تەكسەرۋ بارىسىندا ناۋقاستىڭ ٶكپەسٸنٸڭ 90% زاقىمدانعانى انىقتالدى. ناۋقاس دەرەۋ جانساقتاۋ بٶلٸمٸنە جاتقىزىلدى. ال, كەلەسٸ كٷنٸ ونىڭ تولعاعى باستالدى. پەرزەنتحانا دەرٸگەرلەردٸڭ كوماندالىق جۇمىسى مەن ولاردىڭ ٷيلەسٸمدٸ ەرەكەتٸنٸڭ ارقاسىندا سالماعى 3 كەلٸدەن اساتىن ۇل بالا دٷنيەگە كەلدٸ», - دەپ حابارلايدى قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
بوسانعاننان كەيٸن دينارانىڭ (ناۋقاس) جاعدايى ٶتە اۋىر دەپ باعالاندى. سوندىقتان ول 27 كٷن بويى جانساقتاۋ بٶلٸمٸندە ٶكپەنٸ جاساندى جەلدەتۋ اپاراتىنا قوسىلدى. تەك 29 شٸلدە كٷنٸ عانا ناۋقاستىڭ جاعدايى جاقسارىپ, بەيٸندٸ بٶلٸمشەگە اۋىستىرىلدى.
«اق حالاتتى ابزال جان, كەرەمەت دەرٸگەر, رەانيماتسييا بٶلٸمٸنٸڭ جەتەكشٸسٸ – گٷلنۇر التايقىزى بايبولوۆاعا العىسىم شەكسٸز جەنە مامان رەتٸندە عانا ەمەس, ادام رەتٸندە جوعارى باعالايمىن. مەنٸ وسىنداي دەرٸگەرگە جولىقتىرعان ٷشٸن اللاعا ريزامىن. سونداي-اق, وسى №2 پەرزەنتحانانىڭ بارلىق مەديتسينا قىزمەتكەرلەرٸنە ناۋقاستارعا ٷلكەن جاۋاپكەرشٸلٸكپەن جەنە قۇرمەتپەن قاراپ, تىنىمسىز ەڭبەگٸنە, ساپالى مەديتسينالىق قىزمەتٸ مەن قامقورلىعى ٷشٸن العىس ايتامىن. دەرٸگەرلەر ماعان ەكٸنشٸ ٶمٸر سىيلادى جەنە وسى كٸسٸلەردٸڭ ارقاسىندا ەلٸ ٶزٸم كٶرمەگەن دەنٸ ساۋ سەبي دٷنيەگە كەلدٸ. بٷگٸن سەبيٸمدٸ بٸرٸنشٸ رەت كٶرٸپ, قۇشاعىما باسامىن», - دەيدٸ دينارا سەرٸكبول.
دٷنيەگە COVID-19 سيمپتومى جوق, دەنٸ ساۋ نەرەستە كەلدٸ. سەبيدٸ پەرزەنتحانادان ەكٸ كٷننەن كەيٸن شىعارعان. قازٸرگٸ ۋاقىتتا ول اتا-ەجەسٸنٸڭ قولىندا. بالانىڭ اتىن ومار دەپ قويدى.
