ادام قۇقىعىن قورعاۋ ۇيىمى ٶكٸلدەرٸ مەن تەۋەلسٸز قۇقىق قورعاۋشىلارعا جاپپاي ەرەۋٸل كەزٸندە ۇستالىپ, قامالعان جاندارمەن جٷزدەسۋگە رۇقسات بەرٸلدٸ. بۇل تۋرالى قر باس پروكۋراتۋراسى بٸرٸنشٸ قىزمەت باسشىسىنىڭ ورىنباسارى ەلدوس قيلىمجانوۆ وكق-دە ٶتكەن باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات.
«تٷسٸندٸرٸپ ٶتكەن جٶن بولار, بٸر قىلمىستىق ٸس بويىنشا بٸرنەشە ادام, ياعني سىبايلاس قاتىسۋشىلار بولۋى مٷمكٸن. بۇل دەرەكتەر ەلٸ دە تٷپكٸلٸكتٸ ەمەس. ولار پروكۋراتۋرامەن ۇستاۋ نەگٸزدەرٸن تەكسەرۋ جەنە سوتتا قاماۋعا الۋ ٸستەرٸنٸڭ قارالۋ نەتيجەسٸنە بايلانىستى. اتاپ ايتقاندا, 29 ۇستالعان تۇلعانى سوت قاماۋعا الۋعا باس تارتقان, ولار قازٸر بوساتىلدى. پروكۋرورلار قاماۋعا الىنعانداردى كٷندەلٸكتٸ تەكسەرۋدە», - دەدٸ ول.
باس پروكۋراتۋرا ٶكٸلٸنٸڭ ايتۋىنشا, ايىبى جوق 96 ادام ۋاقىتشا ۇستاۋ يزولياتورلارىنان بوساتىلعان.
«پروكۋرورلار الماتى قالاسىنىڭ ۋاقىتشا ۇستاۋ يزولياتورىن تەكسەرۋ كەزٸندە دەنە جاراقاتى بار 73 ادامدى انىقتادى. ونىڭ ٸشٸندە ٷشەۋٸنە قاتىستى بۇلتارتپا شاراسى ٶزگەرتٸلدٸ, ولار قازٸر بوستاندىقتا. بٸزدٸڭ نۇسقاۋمەن ۇستالعانداردىڭ اراسىندا وق جاراقاتىن العان 29 ادام قالالىق اۋرۋحاناعا جاتقىزىلدى. قاماۋعا الىنىپ, جاراقات العان 41 جان تٸكەلەي يزولياتوردا ەم الۋدا. قاتىگەزدٸكپەن قاراۋ, سونداي-اق مەديتسينالىق كٶمەكتٸ كٶرسەتپەۋ ىقتيمال جاعدايلارىن تەۋەلسٸز تەكسەرۋ ماقساتىندا ادام قۇقىقتارى جٶنٸندەگٸ ۋەكٸل جەنە باسقا دا ادام قۇقىعىن قورعاۋ ۇيىمدارىنا ۇستاۋ مەكەمەلەرٸنە كٸرۋگە رۇقسات بەرٸلدٸ», - دەيدٸ ول.
