فوتو: Gov.kz
الماتىدا نارحوز ۋنيۆەرسيتەتٸندە ITMLab جوباسىنىڭ ەكٸنشٸ ماۋسىمىنا ارنالعان Intro Day ٸس-شاراسى ٶتتٸ, دەپ حابارلايدى Ult.kz.
وندا ەلٸمٸزدٸڭ ەر ٶڭٸرٸنەن كەلگەن 40 كوماندا مٷگەدەكتٸگٸ بار ادامداردىڭ ٶمٸر ساپاسىن جاقسارتۋعا باعىتتالعان زاماناۋي تەحنولوگييالىق شەشٸمدەرٸن ۇسىندى. شارانى ITeachMe قورى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەن Chevron كومپانيياسىنىڭ قولداۋىمەن ۇيىمداستىردى.
بۇل جولى قاتىسۋشىلاردىڭ گەوگرافيياسى كەڭەيٸپ, الماتى, استانا, شىمكەنت, تاراز, اقتاۋ, پاۆلودار, اقتٶبە, تالدىقورعان جەنە باسقا دا قالالاردى قامتىدى. بۇل جوبا ۇلتتىق دەڭگەيدە ينكليۋزيۆتٸ ورتانى دامىتۋعا ەرەكشە ٷلەس قوسىپ وتىرعانىن كٶرسەتەدٸ.
كوماندالار ينكليۋزييانى ارتتىرۋعا باعىتتالعان بٸرقاتار تىڭ جوبالارىن تانىستىردى. ولاردىڭ ٸشٸندە:
-
اياققا ارنالعان ەكزوسكەلەت پروتوتيپٸ;
-
سال اۋرۋىنا شالدىققان ادامدارعا ارنالعان جاساندى ينتەللەكت نەگٸزٸندەگٸ اۋىزٸشٸلٸك كاپا;
-
كٶرۋ قابٸلەتٸ تٶمەن جاندارعا كەڭٸستٸكتە باعدارلاۋعا كٶمەكتەسەتٸن سمارت-كٶزٸلدٸرٸك;
-
ىم-يشارا تٸلٸن ناقتى ۋاقىتتا اۋىزشا سٶزگە اۋداراتىن HandInHand اتتى جي پلاتفورماسى بار.
ٸس-شارادا قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ۆيكتورييا شەگاي قۇتتىقتاۋ سٶز سٶيلەپ, مۇنداي باستامالاردىڭ ماڭىزدىلىعىن اتاپ ٶتتٸ. ونىڭ ايتۋىنشا, جاستاردىڭ كرەاتيۆتٸ ويى مەن باتىلدىعى جاڭا مٷمكٸندٸكتەر اشىپ, شىنايى ينكليۋزيۆتٸ قوعام قالىپتاستىرۋعا جول اشادى.
ۆيتسە-مينيستر ٶتكەن جىلعى جوبالاردىڭ ناقتى نەتيجەلەرٸنە دە توقتالدى. مەسەلەن, فينالعا شىققان 6 كوماندا كٶرۋ قابٸلەتٸ ناشار ادامدارعا ارنالعان سەنسورلى القا, وڭالتۋ ەكزوسكەلەتٸ جەنە ىم-يشارا تٸلٸن اۋداراتىن قوسىمشا سيياقتى ەرەكشە شەشٸمدەرٸن ۇسىنعان بولاتىن.
بيىل دا ٷزدٸك 20 كوماندا ٸرٸكتەلٸپ, كەلەسٸ ترەكينگ كەزەڭٸندە ٶز جوبالارىن ودان ەرٸ دامىتادى.
ايتا كەتەيٸك, ITMLab جوباسى قاتارىنان ەكٸنشٸ جىل ٶتكٸزٸلٸپ وتىر. ٶتكەن ماۋسىم قورىتىندىسىندا ٷزدٸك ستارتاپتار گرانت يەلەنٸپ, ٶزدەرٸنٸڭ پروتوتيپتەرٸن ٸسكە اسىرۋعا مٷمكٸندٸك العان. جوبا ينكليۋزيۆتٸ قوعامدى دامىتۋعا باعىتتالعان ۇلتتىق پلاتفورماعا اينالىپ كەلەدٸ.
