الماتى قالاسىنىڭ پروكۋراتۋراسى تەكسەرٸس بارىسىندا بالالاردىڭ قاۋٸپسٸزدٸگٸ سالاسىندا بٸرقاتار زاڭبۇزۋشىلىقتى انىقتادى, دەپ حابارلايدى "ۇلت اقپارات".
وعان اقپاراتتىق قاۋٸپسٸزدٸك سالاسىنداعى جارتى مىڭنان استام زاڭبۇزۋشىلىق, بالالاردى تاسىمالداۋ جەنە بٸلٸم بەرۋ مەكەمەلەرٸن قورعاۋ ەرەجەلەرٸنٸڭ, سانيتارلىق جەنە ٶرتكە قارسى نورمالاردىڭ بۇزىلۋى, سونداي-اق وقۋشىلار اراسىندا بۋللينگ فاكتٸلەرٸنٸڭ انىقتالۋى دەلەل.
تەكسەرۋ نەتيجەسٸندە 10 سوتقا دەيٸنگٸ تەرگەپ-تەكسەرۋ باستالىپ, شامامەن 60 ملن تەڭگە ٶتەلدٸ, 67 قاداعالاۋ اكتٸسٸ ەنگٸزٸلدٸ جەنە 100-دەن استام ادام ەكٸمشٸلٸك جاۋاپكەرشٸلٸككە تارتىلدى.
بۇدان باسقا, قۇقىق بۇزۋشىلىقتارعا جەدەل دەن قويۋ ماقساتىندا, ونىڭ ٸشٸندە وقۋشىلار اراسىنداعى بۋللينگكە قاتىستى, وقۋشىلار نەمەسە ولاردىڭ اتا-انالارىنا ونلاين رەجيمدە قالالىق پروكۋراتۋراعا تٸكەلەي جٷگٸنۋگە مٷمكٸندٸك بەرەتٸن QR-كود ەزٸرلەندٸ.
مەكتەپ پسيحولوگتارىنىڭ بٸلٸكتٸلٸگٸن ارتتىرۋ ماقساتىندا قالا پروكۋراتۋراسى NGS جاڭا بۋىن مەكتەبٸ الاڭىندا مەملەكەتتٸك مەكتەپتەردەگٸ بارلىق پسيحولوگتىڭ, كەمەلەتكە تولماعانداردىڭ ٸستەرٸ جٶنٸندەگٸ ۋچاسكەلٸك ينسپەكتورلاردىڭ جەنە بٸلٸم باسقارماسى ٶكٸلدەرٸنٸڭ قاتىسۋىمەن سەمينار ۇيىمداستىردى.
سونىمەن قاتار پروكۋرورلار 330 ملن تەڭگەدەن استام سوماعا بيۋدجەت قاراجاتى ۇرلانعانىن انىقتادى.
مىسالى, بوستاندىق اۋدانىنىڭ پروكۋراتۋراسى مەكتەپتەردٸڭ بٸرٸندە جالاقىعا ارنالعان بيۋدجەت قاراجاتىن باس بۋحگالتەردٸڭ ۇرلاعانىن انىقتادى.
اتالعان قۇقىق بۇزۋشىلىق مەملەكەتكە 160 ملن تەڭگە زالال كەلتٸرە وتىرىپ, مەكتەپتٸڭ جۇمىس ٸستەمەيتٸن قىزمەتكەرلەرٸنە جەنە ٶزٸنٸڭ جاقىن تۋىستارىنا اقشا قاراجاتىن اۋدارۋ جولىمەن جاسالعان.
وسىعان ۇقساس ۇرلىق فاكتٸلەرٸن مەدەۋ, المالى, تٷركسٸب جەنە الاتاۋ اۋداندارىنىڭ پروكۋرورلارى انىقتادى.
قازٸر سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر.
