الماتىدا اقىن مۇقاعالي ماقاتاەۆ تۋرالى فيلم تٷسٸرٸلٸپ جاتىر, – دەپ حابارلايدى قازاقپارات.
الماتىنىڭ قاق ورتاسىندا قولشاتىرمەن تولىپ جٷرگەن ادامدار, تۇرعىنداردىڭ نازارىن اۋداردى. كەيٸن بۇل جەردە اقيىق اقىن مۇقاعالي ماقاتاەۆ تۋرالى فيلم تٷسٸرٸلٸپ جاتقاندىعى بەلگٸلٸ بولدى. رەداكتسييامىزعا قالا تۇرعىندارى ابىلايحان كٶشەسٸنەن تٶلە بي - بٶگەنباي باتىرعا دەيٸنگٸ كٶشەنٸڭ جابىلعانىن ايتىپ, سۋرەتتەرٸن جٸبەردٸ. «قازاقفيلم» كينوستۋديياسى بۇل اقپاراتتى راستادى.
مۇزبالاق اقىنعا ارنالعان كٶركەم فيلمنٸڭ رەجيسسەرٸ - بولات قالىمبەتوۆ. ونىڭ ايتۋىنشا, جاڭا كينوكارتينادا اقىن ٶمٸرٸنٸڭ سوڭعى جىلدارى ايشىقتالماق. كٶرەرمەن مۇقاعالي ماقاتاەۆتىڭ ەسەيگەن شاعىمەن, قازاق كسر جازۋشىلار وداعى وتىرىسىندا اقىننىڭ تاعدىرى شەشٸلگەن سەتٸمەن تانىسادى. بۇل فيلم اقىن عانا ەمەس, ادامنىڭ تاعدىرى جايىندا بولماق.
فيلمنٸڭ ستسەنارييٸن جٷسٸپبەك قورعاسبەك, بولات قالىمبەتوۆ, عازيز ناسىروۆ جازدى. بۇعان دەيٸن تٷسٸرٸلٸم ٶسكەمەن مەن سانكت-پەتەربوردا بولدى. الماتىداعى تٷسٸرٸلٸم اياقتالعان سوڭ, شىعارماشىلىق توپ الماتى وبلىسىنا جول تارتپاق.
