Almatyda aqyn Muqaǵali Maqataev týraly film túsirilip jatyr, – dep habarlaidy QazAqparat.
Almatynyń qaq ortasynda qolshatyrmen tolyp júrgen adamdar, turǵyndardyń nazaryn aýdardy. Keiin bul jerde aqiyq aqyn Muqaǵali Maqataev týraly film túsirilip jatqandyǵy belgili boldy. Redaktsiiamyzǵa qala turǵyndary Abylaihan kóshesinen Tóle bi - Bógenbai batyrǵa deiingi kósheniń jabylǵanyn aityp, sýretterin jiberdi. «Qazaqfilm» kinostýdiiasy bul aqparatty rastady.
Muzbalaq aqynǵa arnalǵan kórkem filmniń rejisseri - Bolat Qalymbetov. Onyń aitýynsha, jańa kinokartinada aqyn ómiriniń sońǵy jyldary aishyqtalmaq. Kórermen Muqaǵali Maqataevtyń eseigen shaǵymen, Qazaq KSR Jazýshylar odaǵy otyrysynda aqynnyń taǵdyry sheshilgen sátimen tanysady. Bul film aqyn ǵana emes, adamnyń taǵdyry jaiynda bolmaq.
Filmniń stsenariiin Júsipbek Qorǵasbek, Bolat Qalymbetov, Ǵaziz Nasyrov jazdy. Buǵan deiin túsirilim Óskemen men Sankt-Peterborda boldy. Almatydaǵy túsirilim aiaqtalǵan soń, shyǵarmashylyq top Almaty oblysyna jol tartpaq.
