الماتىداعى "العاباس" شاعىن اۋدانىندا ەگدە جاستاعى ەر ادام ليفت شاحتاسىنا قۇلاپ كەتتٸ. "الماتىليفت" كومپانيياسىنىڭ ٶكٸلٸ وقيعانىڭ مەن-جايىن ايتىپ بەردٸ, دەپ جازادى Sputnik اگەنتتٸگٸ.
وقىس وقيعا الماتى قالاسىنداعى "العاباس-6" شاعىن اۋدانىنداعى №144 ٷيدە 13 اقپاندا ساعات 16:20 شاماسىندا بولعان.
قالالىق پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, 59 جاستاعى ەر ادام وقىس وقيعا سالدارىنان مەرت بولعان. وسىعان بايلانىستى قر قىلمىستىق كودەكسٸنٸڭ 306-بابى, ياعني "قاۋٸپسٸزدٸك تالاپتارىنا جاۋاپ بەرمەيتٸن تاۋاردى شىعارۋ نەمەسە ساتۋ, قىزمەت كٶرسەتۋ" بويىنشا تەرگەۋ باستالدى.
الدىمەن ەر ادام قۇلاپ كەتكەن جەدەلساتىنىڭ ٸشٸندە كٶز جۇمدى دەگەن اقپارات تاراعان. "الماتىليفت" جشس Sputnik قازاقستان تٸلشٸسٸنە بۇل جايتتىڭ باسقالاي بولعانىن ايتىپ بەردٸ.
"باسىندا بٸزگە جەدەلساتىنىڭ كابيناسى قۇلاپ كەتتٸ دەگەن اقپارات تٷستٸ. انىقتاي كەلسەك, كابينا التىنشى قاباتتا تۇرعان بولىپ شىقتى. شامامەن كەشكٸ 20.00 كەزٸندە بٸزگە وسى ٷيدٸڭ جەدەلساتىسى ٸستەمەي تۇرعانى جايلى ارىز تٷسكەن. بٸز بٸردەن جۇمىس بريگاداسىن جٸبەردٸك, ال ولار ليفتٸنٸڭ ەسٸگٸ بۇزىلىپ جاتقانىن كٶرگەن. مەحانيك بٸرٸنشٸ قاباتقا تٷسٸپ, ليفتٸنٸ اشقاندا تٶمەندە ەر ادام جاتقان. جٸگٸتتەر بٸردەن پوليتسييا مەن جەدەل جەردەمدٸ شاقىرعان", - دەپ تٷسٸندٸردٸ "الماتىليفت" جشس ديرەكتورىنىڭ ورىنباسارى ماكسيم تەليتسكيي.
ودان سوڭ ماماندار پيك-كە (كسك) بارىپ, سول ٷيدٸڭ بەينەباقىلاۋ تاسپاسىن الدىرىپتى. ودان جەدەلساتىنىڭ 6-قاباتتا تۇرىپ قالعانى انىقتالعان.
"ەر ادام 5-قاباتتا ليفت شاقىرعان. بەينەباقىلاۋ تاسپاسىنداعى جازبادا كٶرٸنٸپ تۇرعانداي, ول ٶزٸن بٸر تٷرلٸ ۇستاعان, تەلتٸرەكتەپ ەرەڭ تۇر. ەسٸكتٸ ۇرىپ, ونى بۇزعانىن دا كٶرۋگە بولادى. ول كابينا جوعىن كٶردٸ دە. بٸراق سوعان قاراماستان العا قادام جاساپ, قۇلاپ كەتتٸ", - دەپ تولىقتىردى تەليتسكيي.
قازٸر وقىس وقيعاعا بايلانىستى تەرگەۋ امالدارى جٷرٸپ جاتىر. سوعان بايلانىستى جەدەلساتى ٸسكە قوسىلماعان.
"الماتىليفت"ٶكٸلٸنٸڭ ايتۋىنشا, بۇل 2015 جىلى ورناتىلعان جاڭا يمپورتتىق جەدەلساتى بولعان. جەدەلساتىلار جىل سايىن تەكسەرٸلٸپ وتىرعان. سوڭعى رەت 2018 جىلى 13 شٸلدەدە تەكسەرٸلگەن ەكەن. بۇل جولى جوسپار بويىنشا ٷش كٷننەن كەيٸن "الماتىليفت" ماماندارى وسى ٷيدەگٸ جەدەلساتىنىڭ تەحنيكالىق جاعدايىن تەكسەرۋٸ تيٸس بولعان. ال جەدەلساتىنىڭ نەدەن ٸستەن شىققانى ەزٸرگە بەلگٸسٸز.
