فوتو: depositphotos.com
الماتىنىڭ ينفەكتسييالىق ستاتسيونارلارى قىزىلشا اۋرۋى ٶرشۋٸنە بايلانىستى 90 پايىزعا تولدى, - دەپ حابارلايدى Tengrinews.kz سايتى.
قالالىق بالالار كلينيكالىق جۇقپالى اۋرۋلار اۋرۋحاناسىندا قىزىلشامەن اۋىراتىن بالالاردى ەمدەۋگە ارنالعان 280 تٶسەك-ورنى بار جەتٸ بٶلٸمشە (ونىڭ ٸشٸندە 12 تٶسەك رەانيماتسييا بٶلٸمشەسٸندە) ورنالاستىرىلعان. ونىڭ ٸشٸندە سايالى فيليالىنداعى بٸر بٶلٸمشە, بايزاقوۆ كٶشەسٸندەگٸ ستاتسيوناردا جەنە اپورت فيليالىندا ٷش بٶلٸمشەدەن بار. سونداي-اق رەزەرۆتە 40 تٶسەك بار.
س. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنا دا 120 ورىندىق كەرەۋەتتەر ورنالاستىرىلىپتى, ونىڭ ٸشٸندە 108 كەرەۋەت بوس ەمەس.
الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ مەلٸمەتٸنشە, قازٸر قىزىلشا بويىنشا تۇراقسىز ەپيدەميولوگييالىق جاعداي بايقالىپ وتىر. الماتىدا ناۋرىزدان باستاپ زەرتحانالىق جولمەن راستالعان 2509 جاعداي تٸركەلدٸ, ونىڭ 1994-ٸ 14 جاسقا دەيٸنگٸ بالالار اراسىندا (79,4 پايىز) انىقتالدى.
ال بىلتىر قالادا زەرتحانالىق جولمەن راستالعان قىزىلشا مەن قىزامىق تٸركەلگەن جوق. اۋىرعان 1994 بالانىڭ 1880-ٸ ەكپە الماعان (94,2 پايىز), ونىڭ ٸشٸندە ۆاكتسيناتسييادان باس تارتقان 1354 جاعداي بولعان (72,02 پايىز), مەديتسينالىق قارسى كٶرسەتٸلٸمدەرٸ بار 260 جاعداي بولسا(13,8 پايىز), 259 جاعدايدا (13,7 پايىز) ەكپە الاتىن جاسقا جەتپەگەن. باسقا سەبەپتەرمەن ەكپە الماعان 6 جاعداي تٸركەلسە (0,35 پايىز), ەكپە تۋرالى دەرەكتەرٸ جوق 1 جاعداي (0,05 پايىز) بولعان.
