زەينەتسٸز ەڭبەك! بٷگٸن بٸر توپ ورالمان الماتىداعى قىتاي كونسۋلدىعىنا ارىزدارىن ٶتكٸزۋگە جينالدى. كەزٸندە شەكارا اسىپ كەلگەن قانداستىرىمىز, قىتايدان الىپ كەلگەن قوماقتى زەينەتاقىدان قاعىلعاندارىنا نارازى. قىتاي زاڭى بويىنشا زەينەتكە سول ەلدە شىعىپ, كەيٸن باسقا جاققا قونىس اۋدارسا دا زەينەتاقى تٶلەنۋٸ تيٸس دەيدٸ ولار. بٸراق كٶرشٸ ەلدٸڭ بيلٸگٸ ٶز مٸندەتتەرٸن ورىنداماي وتىرعان كٶرٸنەدٸ.
شاۋ تارتقان شاقتا اي سايىنعى اقىلارىنان قاعىلعاندار بٷگٸن قىتاي كونسۋلدىعىنىڭ الدىنا جينالدى. ارىزدارىن قولتىقتاعان اعايىن قىتايدىڭ ٶزدەرٸ شىعارعان زاڭدى ٶزدەرٸ ساقتاماي وتىرعاندارىنا نارازى. عۇمىرلارىنىڭ 60 جىلدان استامىن قىتايدا سٷرٸپ, سول جاقتا ەڭبەك ەتٸپ, كەيٸن قازاقستانعا ورالىپ ازاماتتىق العان قانداستارىمىز تٶگٸلگەن تەر ەش كەتتٸ دەپ وپىنادى.
فاتيما ەسكەرباي, الماتى قالاسىنىڭ تۇرعىنى:
- قىتاي رەسپۋبليكاسىنىڭ اتا زاڭىندا انىقتاپ تۇرىپ ايتىلعان بۇل ەڭگٸمە. ول جاقتاعى بٸزدٸڭ قامسىزداندىرۋىمىز دا, زەينەتاقىمىز دا توقتالمايدى. ەگەر توقتاتىپ جاتقان جاعدايدا, جەرگٸلٸكتٸ ورگان وعان تارتىلادى دەگەن جەرٸ تاعى بار. مەسەلەن 20 باپتا مۇعاجىرلار زاڭىندا بەرٸلۋ كەرەك توقتامايدى دەپ جازىلسا, 26 باپتا وسىنى اتقارماعان جاعدايدا بۇنى سول زاڭداستىرماعان ادام جاۋاپقا تارتىلادى دەپ جازىلعان.
ياعني, قىتاي زاڭىندا سول جاقتا زەينەتكە شىعىپ, كەيٸن ٶزگە ەلدٸڭ ازاماتتىعىن العاندارعا الالاۋ بولمايتىنى, زەينەتاقى توقتاتىلمايتىنى تايعا تاڭبا باسقانداي جازىلعان ەكەن. بٸراق, شىڭجان ٶلكەسٸ ول ەرەجەنٸ پىسقىرمايتىنداي. تٷسكەن ارىز-شاعىمدارعا جٶندٸ جاۋاپ بەرمەي, ٷنسٸز جاتقان كٶرٸنەدٸ. جالعىز اعاشتىڭ ورمان بولمايتىنىن تٷسٸنگەن زەينەتكەرلەر بٷگٸن تايلى-تۇياعى قالماي الماتىداعى قىتاي كونسۋلدىعىنىڭ الدىنا جينالعان. وسىعان دەيٸن جەكەلەي كەلٸپ, شاعىمدانىپ كٶرگەن. بٸراق, ماردىمدى جاۋاپ الماي, تاۋلارى شاعىلىپ قايتقان ەكەن.
جۇماعالي ميزامبەك, الماتى قالاسىنىڭ تۇرعىنى:
- قىتايدا 56 ۇلت بار. بٸراق ولار تەڭ قاراماي وتىر. قۋدالاۋ 2016-دان باستالدى. ودان بۇرىن جاقسى بولاتىن.
قىتاي كونسۋلدىعى زەينەتكەرلەردٸ ٸشكە كٸرگٸزۋگە قۇلىق تانىتپادى. ارىزدارىن السىن دەپ «شابارماندارىن» جٸبەرٸپتٸ. بۇل شاعىم بويىنشا دا ناقتى جاۋاپتىڭ قاشان بولاتىنى بەلگٸسٸز.
