الماتىدا تٷركسٸب اۋدانىندا وتقا ورانعان قويمالارداعى الاپات ٶرت سٶندٸرٸلدٸ. قالالىق تجد باسپاسٶز قىزمەتٸنٸڭ حابارلاۋىنشا, تٸلسٸز جاۋ 17:11-دە اۋىزدىقتالدى.
قالالىق تجد باسپاسٶز قىزمەتٸنٸڭ حابارلاۋىنشا, تٸلسٸز جاۋ 17:11-دە اۋىزدىقتالدى.
«تٶتەنشە جاعدايلار دەپارتامەنتٸنٸڭ «101» پۋلتٸنە تٷركسٸب اۋدانى بەكماحانوۆ كٶشەسٸ 96 مەكەنجايىنداعى ٶرت تۋرالى حابارلاما تٷسكٸ ساعات 14:21–دە تٷستٸ. بۇل جەردە جەكەمەنشٸك قويمالار ورنالاسقان. ٶرت شىققان قويمادا قىتايدىڭ سكۋتەرلەرٸ, كۆادروتسيلدەر مەن موتوتسيكلدەر ساقتالعان. ەكٸنشٸسٸندە قاعازدار بولعان. بۇلاردىڭ بەرٸ تەز جاناتىن زاتتار. قىزىل جالىن 1600 شارشى مەتر جەردٸ شارپىدى. زارداپ شەكەندەر جوق. كەلتٸرٸلگەن شىعىن ەسەپتەلۋدە»,– دەدٸ الماتى قالالىق تجد باسشىسى سەرٸك ەۋبەكٸروۆ.
بۇعان دەيٸن, قويمادان ٶرت شىققانى تۋرالى حابارلاعان بولاتىنبىز.
كەيٸن قويمادان شىققان ٶرتتٸ سٶندٸرۋ ٷشٸن تٸكۇشاق جۇمىلدىرىلدى. «قازاۆياسپاس» كەسٸپورنىنىڭ مي-171 جەنە مي-8 تٸكۇشاعى ٶرت وشاعىن اۋىزدىقتاۋ ٷشٸن ەۋە ارقىلى كٶمەككە كەلدٸ.
