Almatyda Túrksib aýdanynda otqa oranǵan qoimalardaǵy alapat órt sóndirildi. Qalalyq TJD baspasóz qyzmetiniń habarlaýynsha, tilsiz jaý 17:11-de aýyzdyqtaldy.
Qalalyq TJD baspasóz qyzmetiniń habarlaýynsha, tilsiz jaý 17:11-de aýyzdyqtaldy.
«Tótenshe jaǵdailar departamentiniń «101» pýltine Túrksib aýdany Bekmahanov kóshesi 96 mekenjaiyndaǵy órt týraly habarlama túski saǵat 14:21–de tústi. Bul jerde jekemenshik qoimalar ornalasqan. Órt shyqqan qoimada qytaidyń skýterleri, kvadrotsilder men mototsiklder saqtalǵan. Ekinshisinde qaǵazdar bolǵan. Bulardyń bári tez janatyn zattar. Qyzyl jalyn 1600 sharshy metr jerdi sharpydy. Zardap shekender joq. Keltirilgen shyǵyn eseptelýde»,– dedi Almaty qalalyq TJD basshysy Serik Áýbákirov.
Buǵan deiin, qoimadan órt shyqqany týraly habarlaǵan bolatynbyz.
Keiin qoimadan shyqqan órtti sóndirý úshin tikushaq jumyldyryldy. «Qazaviaspas» kásipornynyń MI-171 jáne MI-8 tikushaǵy órt oshaǵyn aýyzdyqtaý úshin áýe arqyly kómekke keldi.
