الماتىدا كوروناۆيرۋسقا بايلانىستى 600-دەن استام ٸس-شارا توقتاتىلدى, دەپ حابارلايدى "ۇلت اقپارات".
«قر كوروناۆيرۋستىق ينفەكتسييانىڭ تارالۋىنىڭ الدىن الۋ شارالارىن كٷشەيتۋ تۋرالى» قازاقستان رەسپۋبليكاسى ٷكٸمەتٸنٸڭ شەشٸمٸنە سەيكەس ەل اۋماعىندا, ونىڭ ٸشٸندە الماتى قالاسىندا بۇرىن جوسپارلانعان ٸس-شارالاردى اۋىستىرۋ نەمەسە توقتاتۋ تۋرالى شەشٸم قابىلداندى.
الماتى قالاسىنىڭ مەدەنيەت باسقارماسى كەلەسٸ شەكتەۋلەردٸ ەنگٸزۋدە: 2020 جىلدىڭ 13 ناۋرىزىنان باستاپ الماتى قالاسىنىڭ اۋماعىندا بارلىق بۇقارالىق مەدەني ٸس-شارالاردى, كونفەرەنتسييا, سەمينارلار, كٶرمەلەردٸ ٶتكٸزۋگە ۋاقىتشا تىيىم سالۋ ەنگٸزٸلسٸن; حالىقارالىق مەدەني ٸس-شارالارعا بارۋ ماقساتىندا 1 ا, 1 ب, 2 جەنە 3 ساناتتاعى ەلدەرگە شىعۋعا شەكتەۋ قويىلسىن.
سونىمەن قاتار, الماتى قالاسىنىڭ مەدەنيەت باسقارماسى شاھاردىڭ بارلىق تيٸستٸ ۇيىمدارى مەن مەدەنيەت مەكەمەلەرٸنە قاجەتتٸ قۇرالدارمەن: سانيتايزەرلەر, انتيسەپتيكتەر جەنە كوروناۆيرۋستىق ينفەكتسييانىڭ الدىن الۋ جٶنٸندەگٸ جادىنامالارمەن قامتاماسىز ەتۋ بويىنشا سانيتارلىق-پروفيلاكتيكالىق ٸس-شارالاردى كٷشەيتۋ جٶنٸندە ۇسىنىستار بەرٸلدٸ.
مەدەنيەت باسقارماسى 2020 جىلدىڭ بٸرٸنشٸ جارتىجىلدىعىنا 40-تان استام ٸس-شارالار جوسپارلاعان. ونىڭ ٸشٸندە, بٷگٸنگٸ تاڭدا 14-ٸ توقتاتىلسا, قالعان 26 شارا اعىمداعى جىلدىڭ ەكٸنشٸ جارتىجىلدىعىنا اۋىستىرىلدى.
الماتى قالاسى بويىنشا مەدەني-بۇقارالىق ٸس-شارالاردىڭ كٷنتٸزبەلٸك جوسپارىنا سەيكەس مونيتورينگ جٷرگٸزٸلدٸ. ونىڭ قورىتىندىسى بويىنشا ناۋرىز-سەۋٸر ايلارىندا مەدەني-ويىن-ساۋىق ۇيىمدارى بويىنشا 211, ال تەاترلاردا 383 ٸس-شاراعا شەكتەۋ قويىلدى. قالا بويىنشا بارلىعى 608 ٸس-شارا توقتاتىلدى.
سونداي-اق, بٷگٸندە قالادا بارلىق كينوتەاترلار, حايۋاناتتار باعى, مۇراجايلار, كٸتاپحانالار جۇمىسىن توقتاتتى.
