الماتىدا كوروناۆيرۋس جۇقتىرعانداردىڭ سانى قازٸر 19-عا جەتتٸ. قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تٸلەۋحان ەبٸلداەۆ ناۋقاستاردىڭ دەنساۋلىعى جايلى ايتتى, دەپ حابارلايدى "ۇلت اقپارات".
«ٶزدەرٸڭٸزگە بەلگٸلٸ, بٷگٸن 19-شى ناۋقاس تٸركەلدٸ. ول كراسنودار-مەسكەۋ-الماتى رەيسٸمەن كەلگەن. بۇل ەل كارانتين ساناتىنا كٸرمەگەن. الايدا ول الدىندا انىقتالعان ناۋقاس ەيەلمەن بايلانىستا بولعان سوڭ پروۆيزورلىق ەمحانادا جاتقان بولاتىن. بٷگٸن ودان الىنعان تەست وڭ نەتيجە بەردٸ. ول جۇقپالى اۋرۋلار اۋرۋحاناسىنا جاتقىزىلدى. قازٸر بارلىعى 16 ادام قالالىق اۋرۋحانادا جاتىر, ال بالالار اۋرۋحاناسىندا - 2 بالا, بٸر بالانىڭ اناسى جاتىر. 18 ادامنىڭ جاعدايى بٸرقالىپتى, قاناعاتتانارلىق. ەشقايسىسىندا كاتارالدى قۇبىلىس جوق», - دەدٸ ول.
باسقارما باسشىسىنىڭ ايتۋىنشا, بٸر ادامنىڭ ٶكپەسٸندە وبسترۋكتيۆتٸ ٶزگەرٸستەر بولعان سوڭ جاعدايى ورتاشا دەپ باعالانىپ وتىر.
«بۇل ادامنىڭ ٶكپەسٸندە بۇرىننان سوزىلمالى وبسترۋكتيۆتٸ ٶزگەرٸستەر بار ەكەن. سوزىلمالى برونحيت دياگنوزى بار. سول ٷشٸن قازٸر جٶتەل مازالايدى دەپ شاعىم ايتادى. بٸراق جاعدايى قازٸر باقىلاۋدا», - دەدٸ باسقارما باسشىسى.
ونىڭ ايتۋىنشا, قازٸر الماتىدا 608 ادام پروۆيزورلىق ەمحانادا جاتىر. 730 ادام ٷي كارانتينٸنە وقشاۋلانعان.
