الماتىدا ەلەۋمەتتٸك جاعىنان از قامتىلعان وتباسىلاردا تەربيەلەنەتٸن ٷزدٸك وقۋشى بالالار ستيپەندييا الاتىن بولادى. بۇل تۋرالى الماتى ەكٸمٸ باۋىرجان بايبەك تۇرعىندار الدىنداعى ەسەپتٸك كەزدەسۋٸندە ايتتى, دەپ حابارلايدى قازاقپارات.
بيىل قالا بيلٸگٸ كٶپبالالى جەنە مۇقتاج وتباسىلاردى قولداۋ بويىنشا كەشەندٸ شارالار مودەلٸن قولعا الماق.
اتاپ ايتقاندا, «باقىتتى وتباسى» باعدارلاماسى اياسىندا تۇرمىسى تٶمەن جانۇيالاردا تەربيەلەنٸپ وتىرعان وقۋشىلار مەن ستۋدەنتتەردٸ قولداۋ قولعا الىنعان.
«مۇقتاج وتباسىلاردىڭ جاستارىنا ستيپەندييا بەرٸلەدٸ. بۇل, بٸلٸمگە دەگەن قۇشتارلىقتى ارتتىرادى. ۋنيۆەرسيتەتتەر مەن كوللەدج ستۋدەتتەرٸنە اي سايىن - 10 مىڭ تەڭگەدەن, ال مەكتەپ وقۋشىلارىنا 5 تەڭگەدەن بەرٸلەدٸ. ايتپاقشى, بيىل ەلٸمٸز بويىنشا بٶلٸنگەن گرانتتاردىڭ 40% نەمەسە 27 مىڭى الماتىعا تيەسٸلٸ. بۇل جەردە بٸز گرانتپەن وقيتىنداردىڭ بارلىعىنا بٶلٸنەتٸن ستيپەندييانى سٶز ەتۋدەمٸز. ەرينە, بۇل وتباسى ٷشٸن قوسىمشا تابىس كٶزٸنە اينالادى», - دەدٸ باۋىرجان بايبەك.
سونداي-اق الماتىدا تۇرمىسى تٶمەن وتباسىلار ٷشٸن ەكٸنشٸ بالادان باستاپ بالاباقشا تەگٸن بولادى.
بۇدان بٶلەك, كٶپبالالى وتباسىلار 2 پايىزبەن باسپانا الا الادى. مەگاپوليستە «باقىتتى وتباسى» ارنايى تۇرعىن ٷي باعدارلاماسى قولعا الىنادى. كەزەكتە تۇرعان 1276 كٶپبالالى جەنە تولىق ەمەس وتباسىلاردىڭ العاشقى جارنانى تٶلەۋگە مٷمكٸندٸكتەرٸ جوق. سوندىقتان قالا بيۋدجەتٸنەن 1 ملن تەڭگەنٸڭ سەرتيفيكاتتارى تاپسىرىلادى. العاشقى جارنا پەتەر قۇنىنىڭ 10% قۇرايدى, نەسيە 2% 18 جىلعا بەرٸلەدٸ. نەسيە جاڭا ٷيلەردەگٸ قۇنى 15 ملن تەڭگە بولاتىن شاعىن پەتەرلەرگە عانا بەرٸلەدٸ.
