الماتىدا جالپى سوماسى 550 مىڭ دوللار جەنە 26 910 ەۋرو بولاتىن قاراجاتتى شەتەلگە زاڭسىز شىعارۋ ەرەكەتٸ انىقتالدى, - دەپ حابارلايدى قارجى مونيتورينگٸ اگەنتتٸگٸ.
"اعىمداعى جىلدىڭ باسىنان بەرٸ الماتى حالىقارالىق ەۋەجايىندا جالپى سوماسى 550 مىڭ اقش دوللارى مەن 26 910 ەۋرودان استام قاراجاتتى جارييا ەتپەۋ بويىنشا 2 قىلمىستىق قۇقىق بۇزۋشىلىق جەنە 20 ەكٸمشٸلٸك فاكتٸ انىقتالدى.
بۇل باعىتتاعى جۇمىستار جالعاسۋدا" - دەلٸنگەن حابارلامادا.
اگەنتتٸك شەتەلدٸك ۆاليۋتاداعى قولما-قول اقشا جەنە اقشا قۇرالدارى 10 000 اقش دوللارى بالاماسىنان اسپاۋى كەرەك ەكەنٸن ەسكە سالدى.
قازاقستان رەسپۋبليكاسى زاڭناماسىنىڭ تالاپتارىن بۇزعانى ٷشٸن ەكٸمشٸلٸك جەنە قىلمىستىق جاۋاپكەرشٸلٸك قاراستىرىلعان. سونداي-اق سوت شەشٸمٸمەن كٶرسەتٸلگەن اقشا مەن تاۋارلار مەملەكەت پايداسىنا تەركٸلەنۋٸ مٷمكٸن.
