الماتى پوليتسيياسى كٶكتايعاققا بايلانىستى قالا تۇرعىندارىن ساق بولۋعا شاقىردى, دەپ حابارلايدى قازاقپارات.
«تاڭعى ساعات التىدان بەرٸ مەگاپوليستٸڭ جوعارعى بٶلٸگٸندە 25-تەن استام جول-كٶلٸك وقيعاسى بولدى. ونىڭ 10-دا زارداپ شەككەندەر بار. جاۋىن-شاشىن مەن كٶكتايعاق قالاداعى كٶلٸك قوزعالىسىن ايتارلىقتاي قيىنداتاتىنى انىق. كەپتەلٸس پايدا بولىپ, كٶلٸكتەردٸڭ ٶتكٸزۋ قابٸلەتٸ ناشارلادى», - دەيدٸ الماتى قالالىق پوليتسييا دەپارتامەنتٸ جەرگٸلٸكتٸ پوليتسييا قىزمەتٸنٸڭ باستىعى, پوليتسييا پولكوۆنيگٸ ماناپ ساتتاروۆ.
سونداي-اق ونىڭ ايتۋىنشا, جول كٶلٸك وقيعالارى كٶبٸنە جول قوزعالىسىنا قاتىسۋشىلاردىڭ تەرتٸپ ساقتاماۋىنان بولادى.
«كەي جٷرگٸزۋشٸلەر جىلدامدىقتى بەسەڭدەتپەيدٸ, تٶتەنشە جاعداي تۋعىزادى, قاۋٸپتٸ مانەۆر جاسايدى, بٸر-بٸرٸن سىيلامايدى, جاياۋ جٷرگٸنشٸلەر جولدى رۇقسات ەتٸلمەگەن جەردەن كەسٸپ ٶتەدٸ. وسى فاكتورلار جول قوزعالىسىنا جالپى كەرٸ ەسەر ەتٸپ وتىر», - دەدٸ ماناپ ساتتاروۆ.
سول سەبەپتٸ الماتى پوليتسەيلەرٸ جولدىڭ قاتەلٸكتٸ كەشٸرمەيتٸنٸن ەسكە سالدى.
«جول قوزعالىسى ەرەجەلەرٸن ساقتاۋ – سٸزدٸڭ جەنە جاقىندارىڭىزدىڭ ٶمٸرٸنٸڭ قاۋٸپسٸزدٸگٸنٸڭ كەپٸلٸ», - دەدٸ پوليتسييا.
