الماتىدا بٷگٸنەن باستاپ ساۋدا, قوعامدىق تاماقتانۋ, بازارلار, جانارماي-جاعارماي قۇيۋ بەكەتتەرٸ, ٶنەركەسٸپ ورىندارى جۇمىس ٸستەيدٸ, دەپ حابارلايدى قازاقپارات.
12 قاڭتارداعى جاعداي بويىنشا الماتى قالاسىندا 149 ٸرٸ جەنە ورتا سۋپەرماركەتتەردٸڭ 120-سى جۇمىس ٸستەيدٸ. تەرتٸپسٸزدٸك بارىسىندا ٸرٸ ساۋدا جەلٸلەرٸنٸڭ 31 وبەكتٸسٸ زارداپ شەكتٸ. بٷگٸندە 52 ساۋدا بازارى جۇمىس ٸستەيدٸ. بازارلار اراسىندا زارداپ شەككەن نىساندار انىقتالعان جوق.
220 جانار-جاعارماي قۇيۋ بەكەتٸنٸڭ 127-سٸ كەستەگە سەيكەس جۇمىس ٸستەپ جاتىر. 13 قاڭتاردان باستاپ قوسىمشا 33 جەلٸلٸك ەمەس جەكە ججقب اشۋ جوسپاردا. جانار-جاعارماي قۇيۋ بەكەتتەرٸنٸڭ 74 نىسانى زارداپ شەكتٸ, ونىڭ 14-ٸ قالپىنا كەلتٸرٸلدٸ.
قالادا 93 ٸرٸ ساۋدا وبەكتٸسٸ بار. 11 قاڭتاردان باستاپ التاۋى جۇمىسىن باستادى. «گلوبۋس», «سپۋتنيك», «ريتتس پالاس», «الما-اتا», «گراند پارك», «الماتى مولل», سونداي-اق 60 ساۋدا ورتالىعى ٸسكە قوسىلدى.
12 قاڭتاردان باستاپ 8 ساۋدا ورتالىعى جۇمىس ٸستەيدٸ. اتاپ ايتار بولساق, «دوستىق پلازا», «مەگا پارك», «مەگا الما-اتا», «اتاكەنت مولل», «مارت», «سيلكۋەي سيتي», «الاتاۋ».
17 نىسان «مەسكەۋ», «مبو», «ازييا پارك», «المالى», «ماكسيما», «اسىل», «نۇر», «الما-اتا», «ارەنا», «دوميلليون», «12 اي», «پرومەناد», «پاسساج», «مەگاتاۋ», «مەرەي», «موبيل», «سيتي تسەنتر» ساۋدا ٷيلەرٸ زارداپ شەكتٸ. ولار قايتا جاڭارتىلۋعا جاتادى.
«ەسەنتاي مولل», «فورۋم» سوسو قالاداعى جاعدايدىڭ تۇراقتانۋىن كٷتۋدە, سودان كەيٸن كەلۋشٸلەر ٷشٸن اشىق بولادى.
بٷگٸنگٸ كٷنٸ 3,2 مىڭ قوعامدىق تاماقتانۋ وبەكتٸلەرٸنٸڭ 1,5 مىڭى جۇمىس كەستەسٸمەن ساعات 09.00-دەن 18.00-گە دەيٸن جۇمىس ٸستەيدٸ. سونداي-اق ول جەردە تٶتەنشە جاعداي رەجيمٸ اياقتالعانعا دەيٸن سپيرتتٸك ٸشٸمدٸكتەردٸ ساتۋعا تيىم سالىندى.
39 قوعامدىق تاماقتانۋ نىسانى زارداپ شەكتٸ.
بٷگٸندە 120 كەسٸپورىننىڭ 82-ٸ جۇمىس ٸستەيدٸ.
19 قاڭتارعا دەيٸن 38 كەسٸپورىندى ٸسكە قوسۋ كٶزدەلگەن.
