الماتىدا زەردەلٸ-6 شاعىناۋدانىنداعى № 1/179 ٷيدٸ قالپىنا كەلتٸرۋ جۇمىستارى 9 ماۋسىمدا اياقتالادى. بۇل تۋرالى «قازاق قۇرىلىس جەنە سەۋلەت عىلىمي زەرتتەۋ جەنە جوبالاۋ ينستيتۋتى» اق باسقارۋشى ديرەكتورى ەرالى شوقباروۆ ايتتى, دەپ حابارلايدى "ۇلت اقپارات".
ونىڭ ايتۋىنشا, قيسايعان ٷيدٸ جٶندەۋ 4 كەزەڭمەن جٷرگٸزٸلگەن.
«قالپىنا كەلتٸرۋ جۇمىستارى اقپاندا باستالدى. قازٸر سوڭعى كەزەڭ – ٷيدٸ نىعايتۋ, تٸكتەۋ جۇمىستارى اياقتالدى. بٸرٸنشٸ كەزەڭدە ٷيدٸ اينالا ٸرگەتاستىڭ دەڭگەيٸنەن تٶمەن فيلترگە قارسى ەكران ورناتىلدى. ەكٸنشٸ كەزەڭدە بٸر قاتاردا تۇرعان № 179, 178, 177 ٷيلەردٸڭ اراسىن بٶلەتٸن ەكران ورناتىلدى. ٷشٸنشٸ كەزەڭدە ٷيدٸڭ قيسايعان جاعىنا قاراما-قارسى تۇسىنان توپىراق الىنىپ, ٷيدٸڭ قابىرعاسى تٸكتەلدٸ. گيدراۆليكالىق باقىلاۋلارعا سەيكەس ٷيدٸڭ ۆەرتيكالدى نەگٸزٸ تٸكتەلدٸ. تٶرتٸنشٸ كەزەڭدە ٷيدٸڭ ٸرگەتاس تاقتاسىنا بايلانىستىرا وتىرىپ, ٷي پەريمەترٸ بويىنشا قادالار ورناتىلدى. قازٸر ٷي تٷبٸنە سۋ كەتپەس ٷشٸن توپىراق الىنعان تۇستار تولتىرىلىپ جاتىر», - دەدٸ ەرالى شوقباروۆ.
وسىلايشا, قالپىنا كەلتٸرۋ جۇمىستارىن 9 ماۋسىمدا اياقتاۋ كٶزدەلٸپ وتىر.
ەسكە سالايىق, الماتىدا زەردەلٸ شاعىناۋدانىندا كٶپقاباتتى ٷيدٸڭ قابىرعاسى بٸر جاعىنا قيسايا باستاعان سوڭ تۇرعىندار دابىل قاققان بولاتىن.
2019 جىلدىڭ سوڭعى ايلارىندا باستالعان ٷيدٸڭ نەگٸزٸ مەن تٸرەك كونسترۋكتسييالارىن جٷيەلٸ تٷردە زەرتتەۋ, عيماراتتىڭ كٷن سايىنعى قيسايۋىن ٶلشەۋ جەنە ونىڭ مٷمكٸن بولاتىن سەرپٸنٸن قاداعالاۋ قازقسعزي زەرتحاناسىنىڭ ماماندارىنا وسى ٷيدە تۇرۋ قاۋٸپسٸزدٸگٸنە قاتىستى الدىن الا قورىتىندى بەرۋگە مٷمكٸندٸك بەردٸ.
مامانداردىڭ مەلٸمەتٸ بويىنشا, قالپىنا كەلتٸرۋ جۇمىستارى اياقتالعاننان كەيٸن ٷي ودان ەرٸ پايدالانۋعا جارامدى بولادى.
قازٸر بارلىق تۇرعىندار قالا ەكٸمشٸلٸگٸ ەسەبٸنەن جالعا بەرٸلەتٸن باسپانامەن قامتاماسىز ەتٸلگەن. بالالارىن بالاباقشالار مەن باسقا دا بٸلٸم بەرۋ مەكەمەلەرٸنە ورنالاستىرۋعا كٶمەك كٶرسەتٸلدٸ.
الماتى ەكٸمٸ باقىتجان ساعىنتاەۆ ەسەپتٸ كەزدەسۋٸندە اتالمىش شاعىناۋدان تۇرعىندارىنىڭ ساۋالىنا جاۋاپ بەرگەن بولاتىن.
