كادر: "كتك" ارناسى
الماتىدا كينو تٷسٸرٸلٸمٸ كەزٸندە ەسكٸ نٶمٸرمەن كٶلٸك جٷرگٸزگەن ٷش ادام جازالاندى. پوليتسەيلەر ولاردى بٸر تەۋلٸككە قاماۋعا الىپ, سوت شەشٸمٸنە سەيكەس, بٸر جىلعا جٷرگٸزۋشٸ كۋەلٸگٸنەن ايىرىپتى. ال وسى جاعدايدان سوڭ تٷسٸرٸلٸمدٸ توقتاتۋعا مەجبٷر بولعان ەرلٸ-زايىپتى رەجيسسەر مەن پروديۋسەر تەرتٸپ ساقشىلارىنىڭ ەرەكەتٸنە نارازى, دەپ حابارلايدى "كتك" ارناسى.
"بۇل جەردە بٸز جىلدامدىق اسىرعان جوقپىز. كامەرا ورناتۋ بار عوي, كينودا. ونداي ورناتقان جوقپىز. ەسكەرتٸپ, ايىپپۇل سالۋعا بولار ەدٸ. بٸرٸنشٸ رەت بولىپ تۇر. بٸز مٷلدەم رۇقسات العان جوقپىز دەي المايمىن. الدىن الا ەكٸمدٸككە, پوليتسييا دەپارتامەنتٸنە بارعانبىز. ول قاعازدارىمىز بار. بۇل ٸسكە مٷلدەم نەمقۇرايلى قاراعان جوقپىز", - دەيدٸ كينوپروديۋسەر ايسەۋلە ەبٸلدە.
وقيعا قازاننىڭ باسىندا بولعان. رەجيسسەر مۇرات ەسجان مەن پروديۋسەر ايسەۋلە ەبٸلدە كەزەكتٸ تۋىندىسىن تٷسٸرە باستاعان. فيلمدە 2004 جىلدى كٶرسەتپەك بولعان ولار ٷش قىمبات كٶلٸكتٸ جالعا الىپ, ەسكٸ نٶمٸر تاعادى. ەل-فارابي داڭعىلىنا شىعا بەرگەنٸ سول ەكەن, پوليتسەيلەر بٸردەن توقتاتىپتى. سٶيتٸپ كٶلٸكتەردٸ ايىپ تۇراعىنا ەكەتٸپ, تٸزگٸندەگٸ ازاماتتار بٸر جىلعا جٷرگٸزۋشٸ كۋەلٸگٸنەن ايىرىلعان.
تٸپتٸ اۋداندىق سوتتا دا مۇنىڭ فيلم ٸشٸندەگٸ ەپيزود ەكەنٸن دەلەلدەي الماپتى. ەندٸ تٷسٸرٸلٸمگە قاتىسامىن دەپ باسى بەلەگە قالعان جٷرگٸزۋشٸلەر شىعارماشىلىق ۇجىمنان 6 ميلليون تەڭگە تالاپ ەتٸپ وتىر.
"ەكٸ ورتادا بٸز كٷيٸپ وتىرمىز" دەگەن ايسەۋلە ەبٸلدە ەدٸلدٸك ٸزدەپ ەلەك. ال پوليتسييا دەپارتامەنتٸ كينوگەرلەر الدىن الا تٷسٸرٸلٸم تۋرالى ەسكەرتپەگەن دەپ وتىر. سوندىقتان جازا ٶزگەرتٸلمەيدٸ.
"زاڭ بارلىق تۇلعاعا بٸردەي. كينوٶندٸرٸس, تەلەۆيزييا جوبالارىن تٷسٸرگەندە زاڭدى بۇزۋعا بولادى دەگەن نورما ەشبٸر زاڭدا جوق. سوندىقتان زاڭدى قاتاڭ ساقتاۋعا تيٸس. كينونى بٸرٸنشٸ تٷسٸرٸپ جاتقان تەك بۇل كومپانييا ەمەس. ەرٸپتەستەرٸ كينو تٷسٸرەر كەزدە بەلگٸلەنگەن تەرتٸپپەن جالعان نٶمٸرٸ بار اۆتوكٶلٸكتەردٸ تٷسٸرۋشٸ الاڭعا بەلگٸلٸ ەۆاكۋاتورمەن جەتكٸزەدٸ. سوندىقتان بەلگٸلەنگەن تەرتٸپتە, حاتى دا, ٶندٸرٸسٸ دە جازىلعان جوق. سوندىقتان نەتيجەسٸ وسىنداي", - دەيدٸ الماتى پد رەسمي ٶكٸلٸ سالتانات ەزٸربەك.
