الماتىدا قارۋ-جاراق ارسەنالى ساقتالعان تاعى بٸر ورىن تابىلدى, دەپ حابارلايدى قازاقپارات.
الماتى قالاسىنىڭ كريمينالدىق پوليتسييا قىزمەتكەرلەرٸ قر ۇقك الماتى دەپارتامەنتٸنٸڭ كٶمەگٸمەن مەدەۋ اۋدانىنداعى باعباندىق سەرٸكتەستٸكتەردٸڭ بٸرٸنٸڭ اۋماعىنان قارۋ جاسىرىلعان ورىندى تاپتى.
«ول جەردە قاڭتارداعى تەرتٸپسٸزدٸكتەر كەزٸندە المالى اۋدانىنداعى قارۋ-جاراق دٷكەنٸنەن ۇرلانعان سايگا-410ك تەگٸس ۇڭعىلى كارابين, پم تراۆماتيكالىق تاپانشاسى, 2 يج تەگٸس ۇڭعىلى مىلتىعى, ماكاروۆ جٷيەسٸ تاپانشاسىنىڭ پاتروندارى, 9 مم كاليبرلٸ, 12 كاليبرلٸ پاتروندار, سونداي-اق 7,62 كاليبرلٸ پاتروندار جاسىرىلعان. تەركٸلەنگەن قارۋ ساراپتاماعا جٸبەرٸلدٸ», - دەپ حابارلادى الماتى قالالىق پوليتسييا دەپارتامەنتٸنەن.
اتالعان دەرەك مەدەۋ اۋداندىق پوليتسييا باسقارماسىندا قر قك-نٸڭ 287-بابى 3-بٶلٸگٸ بويىنشا تٸركەلدٸ.
«ارسەنالدىڭ قايدان شىققانى تەرگەۋ امالدارى مەن جەدەل ٸس-شارالار جٷرگٸزٸلگەننەن كەيٸن بەلگٸلٸ بولادى», - دەپ اتاپ ٶتتٸ ۆەدومستۆودان.
