الماتى بٷگٸن تٷنگٸ 00:00 باستاپ كٷشەيتٸلگەن كارانتين رەجٸمٸنە كٶشەدٸ.
بۇل تۋرالى ٶڭٸرلٸك كوممۋنيكاتسييالار قىزمەتٸندەگٸ ونلاين بريفينگ بارىسىندا قالا ەكٸمٸ باقىتجان ساعىنتاەۆ ايتتى, دەپ حابارلايدى قازاقپارات.
ونىڭ ايتۋىنشا, كوروناۆيرۋستىڭ تارالۋىنا بايلانىستى جاعداي ەلدەقايدا كٷردەلٸ بولىپ وتىر.
«قاۋٸپتٸ باعالاماۋ – جاۋاپسىزدىق ەرٸ زاڭ بۇزعانمەن تەڭ. بٸز ۆيرۋس جۇقتىرعانداردى انىقتاۋ, وقشاۋلاۋ جەنە قاۋٸپتٸ ٸندەتتٸڭ تارالۋىن بولدىرماۋ ٷشٸن شۇعىل تٷردە بارلىق قاجەتتٸ شارالاردى قولدانىپ جاتىرمىز.
بۇل جۇمىستا بٸزگە سٸزدەردٸڭ قولداۋ كٶرسەتكەندەرٸڭٸز اسا ماڭىزدى. مەملەكەتتٸك كوميسسييانىڭ شەشٸمدەرٸن جٷزەگە اسىرۋ ماقساتىندا قوسىمشا شەكتەۋ شارالارى بەكٸتٸلدٸ.
بٸرٸنشٸدەن, كارانتين رەجٸمٸ كٷشەيەدٸ.
بٷگٸن تٷنگٸ 00:00 باستاپ ادامداردىڭ قوزعالىسىنا شەكتەۋ قويىلادى.
ادامدارعا ەرەكشە قاجەتتٸلٸك بولماسا قالانىڭ ٸشٸندە جٷرۋٸنە بولمايدى. تەك ازىق-تٷلٸك, دەرٸ-دەرمەك, شۇعىل مەديتسينالىق كٶمەك الۋ ٷشٸن عانا كەلۋگە بولادى.
قوعامدىق ورىندارعا بٸر وتباسىنان بٶلەك 3 ادامنان ارتىق جينالۋعا بولمايدى. قوناققا بارىپ, قوناق كٷتۋگە تىيىم سالىنادى. 65 جاستان اسقان ادامدارعا ٷيدە وتىرۋعا كەڭەس بەرەمٸز. مۇقتاج ادامدارعا ۆولونتەرلەر مەن ەلەۋمەتتٸك قىزمەتكەرلەر كٶمەكتەسەتٸن بولادى. كەمەلەتتٸك جاسقا تولماعاندارعا ٷلكەندەرسٸز جٷرۋگە تىيىم سالىنادى.
كارانتين اياسىندا بارلىق جاياۋ جولدار, سكۆەرلەر, پاركتەر, جاعالاۋلار, سپورت الاڭدارى جابىق تۇر. دٸني ۇيىمداردىڭ ورىندارى دا جابىلدى. بٸراق ٷي جانۋارلارىن سەرۋەندەتۋگە بولادى.
ەكٸنشٸدەن, بٷگٸنگٸ مەملەكەتتٸك كوميسسييانىڭ شەشٸمٸنە سەيكەس 30 ناۋرىز - 5 سەۋٸر ارالىعىندا مەنشٸك فورماسىنا قاراماستان بارلىق ۇيىمدار مەن كەسٸپورىنداردىڭ قىزمەتٸ توقتاتىلادى. تەك قالالىق باسقارۋ, ازىق-تٷلٸك, مەديتسينالىق, ۆەتەرينارلىق, قالا قاۋٸپسٸزدٸگٸن باقىلاۋ ورگاندارى, باق جۇمىسىنان باسقا قىزمەتتەردٸڭ بارلىعى توقتايدى. كەسٸپورىندار تٸزٸمٸ سايتتا جارييالاناتىن بولادى.
بۇل شارالاردىڭ بارلىعى قوعامنىڭ قاۋٸپسٸزدٸگٸن, دەنساۋلىعى مەن بولاشاعىن قامتاماسىز ەتۋ ٷشٸن قولعا الىنىپ وتىر.
بۇل كٷندەرٸ ەرقايسىمىز ورتاق ماقسات جولىندا جەكە دە, ۇجىمداسىپ تا ازاماتتىق بەلسەندٸلٸگٸمٸز بەن جوعارى جاۋاپكەرشٸلٸگٸمٸزدٸ كٶرسەتە بٸلگەنٸمٸز ابزال.
بٸز جەكە گيگيەنا شارالارىن ساقتاۋ مەن وقشاۋلانۋ ارقىلى كوروناۆيرۋس ينفەكتسيياسىنىڭ تارالۋىن تەجەي الامىز.
بٸز وسىناۋ كٷردەلٸ جاعدايدان تەك بەرٸمٸز بٸرگە كٷش جۇمىلدىرىپ قانا ابىرويمەن شىعا الامىز.
الماتىلىقتار! بٸز بٸرگەمٸز!», - دەدٸ باقىتجان ساعىنتاەۆ.
