الماتى قالاسى جايلى قالالىق ورتا باسقارماسىنىڭ باستىعى ساپار نۇراشەۆ ٶزٸنە قاتىستى تەرگەۋ باستالعانى تۋرالى قاۋەسەتكە تٷسٸنٸكتەمە بەردٸ, دەپ حابارلايدى "ۇلت اقپارات".
«قىلمىستىق ٸستٸ سىبايلاس جەمقورلىققا قارسى قىزمەت قوزعاعان, بٸراق ول ماعان قاتىستى ەمەس, ٸشكٸ مەملەكەتتٸك اۋديت دەپارتامەنتٸنٸڭ تەكسەرۋ نەتيجەلەرٸ بويىنشا قوزعالعان. قازٸر تەرگەۋ امالدارى جٷرگٸزٸلٸپ جاتىر. ول اياقتالۋعا جاقىن قالدى دەپ ويلايمىن. بٸراق مەن بۇل ٸستە كٷدٸكتٸ ەمەسپٸن, ۇستالعان جوقپىن, بۇل ٸسكە ەش قاتىسىم جوق. بۇقارالىق اقپارات قۇرالدارىندا تاراتىلعان اقپارات شىندىققا جاناسپايدى», - دەدٸ ساپار نۇراشەۆ.
ول جۋراليستەردٸڭ «ٶزٸن ۇستالعانى تۋرالى اقپارات تاراتقان سىبايلاس جەمقورلىققا قارسى قىزمەتتٸ نەمەسە سول ادامدى سوتقا بەرەسٸز بە», دەگەن ساۋالعا دا جاۋاپ بەردٸ.
«قازٸر زاڭگەرلەرمەن كەڭەسٸپ جاتىرمىن. ەرينە, ونداي شەشٸم بولادى. مەنٸڭ تاراپىمنان قانداي دا بٸر رەاكتسييا بولاتىنى انىق», - دەيدٸ ول.
بۇعان دەيٸن, الماتى قالاسى جايلى قالالىق ورتا باسقارماسىنىڭ باستىعى ساپار نۇراشەۆتىڭ ۇستالعانى تۋرالى اقپارات تاراعان بولاتىن.
