الماتىداعى قۇرمانعازى اتىنداعى قازاق ۇلتتىق كونسەرۆاتوريياسىندا قازاق كسر-ٸنٸڭ حالىق ەرتٸسٸ, پروفەسسور, كەسٸبي قوبىز ٶنەرٸنٸڭ نەگٸزٸن قالاۋشى فاتيما بالعاەۆانىڭ 100 جىلدىعىنا ارنالعان مەرەيتويلىق ٸس-شارالار ٶتتٸ. بۇل تۋرالى مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ جازدى, دەپ حابارلايدى Ult.kz.
ٸس-شارا باعدارلاماسى اياسىندا ەيگٸلٸ قوبىزشى تۇرعان ٷيگە ەسكەرتكٸش تاقتا ورناتىلدى. سونداي-اق, كٶرنەكتٸ ٶنەر قايراتكەرٸنٸڭ شىعارماشىلىق مۇراسىن كەڭٸنەن دەرٸپتەۋ ماقساتىندا ە.راحماديەۆ اتىنداعى ٷلكەن كونتسەرت زالىندا «فاتيما بالعاەۆا – قوبىز ٶنەرٸنٸڭ پاديشاسى» اتتى كونتسەرت ۇيىمداستىرىلدى.
كەش بارىسىندا ٶنەر يەسٸنٸڭ وتباسى فاتيما بالعاەۆانىڭ دومبىراسى مەن قوبىزىن قۇرمانعازى اتىنداعى قازاق ۇلتتىق كونسەرۆاتوريياسىنا سىيعا تارتتى. 45 جىل بويى وتباسى قورىندا ساقتالعان قوبىز مەرەيتوي قارساڭىندا ارنايى رەستاۆراتسييادان ٶتكٸزٸلدٸ. مەرەيتويلىق كەشتە فاتيما بالعاەۆانىڭ شەكٸرتٸ, قر مەدەنيەت سالاسىنىڭ ٷزدٸگٸ, كٷلەش بايسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸنٸڭ دوتسەنتٸ كەنجەگٷل مۇساەۆا تاريحي اسپاپتا تاڭداۋلى شىعارمالاردى ورىندادى.
سونىمەن قاتار «فاتيما بالعاەۆا: قوبىز مەكتەبٸنٸڭ ورىنداۋشىلىق ٶنەرٸ مەن دەستٷرلەرٸ» تاقىرىبىندا حالىقارالىق عىلىمي-پراكتيكالىق كونفەرەنتسييا ٶتكٸزٸلدٸ. كونفەرەنتسييا بارىسىندا ەستەلٸك فوتوالبوم مەن «قوبىزعا ارنالعان پەسالار» اتتى نوتالىق جيناق تانىستىرىلدى. ا.جۇبانوۆ اتىنداعى كٸشٸ زالدىڭ فويەسٸندە فاتيما بالعاەۆانىڭ بيۋستٸ اشىلدى.
فاتيما بالعاەۆا – قازاق مۋزىكا ٶنەرٸنٸڭ دامۋىنا ەلەۋلٸ ەڭبەك سٸڭٸرگەن تۇلعا. ول «قوبىز جەنە بايان» كافەدراسىنىڭ تۇڭعىش مەڭگەرۋشٸسٸ بولىپ, قوبىزدىڭ اكادەمييالىق ورىنداۋشىلىق مەكتەبٸنٸڭ نەگٸز قالادى. ۇستازدىق پەن شىعارماشىلىقتى قاتار ۇشتاستىرعان ٶنەر يەسٸ كەسٸبي مۋزىكانتتاردىڭ بٸرنەشە بۋىنىن تەربيەلەۋگە دە ٶلشەۋسٸز ٷلەس قوستى.
