الماتىداعى №5 قالالىق كلينيكالىق اۋرۋحانانىڭ بازاسىندا قازاقستانداعى العاشقى اۋديولوگييالىق سكرينينگتٸ سٷيەمەلدەۋ بويىنشا ترەكينگ-ورتالىق اشىلىپ, ەستۋ قابٸلەتٸ بۇزىلعان پاتسيەنتتەردٸڭ بٸرىڭعاي تٸركەلٸمٸن ەنگٸزۋ باستالدى. جوبا سۋردولوگييا بويىنشا قۇزىرەت ورتالىعىنىڭ بازاسىندا جٷزەگە اسىرىلىپ جاتىر, دەپ حابارلايدى ult.kz.
جاڭا جٷيە «مەن ەستيمٸن» پيلوتتىق جوباسى اياسىندا سىناقتان ٶتٸپ, تيٸمدٸلٸگٸن دەلەلدەدٸ. جوبا الماتىداعى ٷش پەرزەنتحانا, ٷش العاشقى مەديتسينالىق-سانيتارييالىق كٶمەك ۇيىمى جەنە ەكٸ سۋردولوگييالىق كابينەتتٸ قامتىعان.
الماتى قالاسى دەنساۋلىق ساقتاۋ باسقارماسىنىڭ باسشىسى مارات پاشيموۆتىڭ ايتۋىنشا, الداعى ۋاقىتتا قالاداعى بارلىق پەرزەنتحانا مەن العاشقى مەديتسينالىق كٶمەك ۇيىمدارى وسى جٷيەگە كەزەڭ-كەزەڭٸمەن قوسىلادى. بۇل بالالاردىڭ ەستۋ قابٸلەتٸندەگٸ اقاۋلاردى ەرتە انىقتاپ, ولاردى ٷزدٸكسٸز باقىلاۋ مەن ەمدەۋدٸڭ بٸرىڭعاي تەتٸگٸن قالىپتاستىرۋعا مٷمكٸندٸك بەرەدٸ.
«مەن ەستيمٸن» جوباسى نەرەستەنٸ العاشقى اۋديولوگييالىق سكرينينگتەن باستاپ دياگنوز قويۋ, ەمدەۋ, ەستۋ اپپاراتتارىمەن قامتاماسىز ەتۋ جەنە وڭالتۋ كەزەڭدەرٸنٸڭ بارلىعىن قامتيدى. ونىڭ نەگٸزگٸ بٶلٸگٸ – ترەكينگ-ورتالىق. ورتالىق ناقتى ۋاقىت رەجيمٸندە سكرينينگ نەتيجەلەرٸن قابىلداپ, «جاسىل دەلٸز» قاعيداتى بويىنشا قوسىمشا تەكسەرۋلەردٸ ۇيىمداستىرادى جەنە ەستۋ قابٸلەتٸ بۇزىلعان بالالاردى تۇراقتى سٷيەمەلدەۋدٸ قامتاماسىز ەتەدٸ.
جٷيەنٸڭ العاشقى نەتيجەلەرٸ دە بەلگٸلٸ بولدى. 2026 جىلدىڭ باسىنان بەرٸ 11 بالانىڭ تولىق ەستٸمەيتٸنٸ ەرتە كەزەڭدە انىقتالىپ, ولاردىڭ بارلىعىنا كوحلەارلىق يمپلانتات ورناتىلدى. قازٸر بالالار وڭالتۋ كۋرسىنان ٶتٸپ جاتىر.
جوبا تولىق ٸسكە قوسىلعاننان كەيٸن جىل سايىن 90 مىڭنان استام بالا اۋديولوگييالىق مونيتورينگتەن ٶتەدٸ دەپ جوسپارلانعان. بۇل نەرەستەلەردەگٸ اۋىر ەستۋ بۇزىلىستارىن دەر كەزٸندە انىقتاپ, ەمدەۋدٸ ەرتە باستاۋعا جول اشادى.
سونىمەن قاتار ەستۋ قابٸلەتٸ بۇزىلعان بالالار مەن ەرەسەكتەر تۋرالى مەلٸمەتتەردٸ بٸرٸكتٸرەتٸن بٸرىڭعاي تٸركەلٸم ەنگٸزٸلەدٸ. بۇل پاتسيەنتتەردٸ دياگنوستيكادان باستاپ ەمدەۋ مەن وڭالتۋعا دەيٸن ٷزدٸكسٸز باقىلاۋعا مٷمكٸندٸك بەرٸپ, مامانداندىرىلعان كٶمەكتٸڭ ساپاسىن ارتتىرۋعا ىقپال ەتەدٸ.
جىل باسىنان بەرٸ №5 قالالىق كلينيكالىق اۋرۋحانانىڭ سۋردولوگييا بويىنشا قۇزىرەت ورتالىعى مەمس اياسىندا ەستۋ قابٸلەتٸن جاقسارتۋعا باعىتتالعان 200-دەن استام وپەراتسييا جاساپ, 400-دەن استام ادامعا ەستۋ اپپاراتتارىن الۋعا جولداما بەرگەن. قازٸر ورتالىققا قازاقستاننىڭ بارلىق ٶڭٸرٸنەن پاتسيەنتتەر جٷگٸنەدٸ, ولاردىڭ 58 پايىزى – الماتى قالاسىنىڭ تۇرعىندارى.
