الماتىدا ەسكٸ ٷيلەر ارزانداي باستادى. بۇعان نارىقتىڭ ناعىز باعاسىنا جۇرتتىڭ بٸرتە-بٸرتە كٶندٸگۋٸ سەبەپ ەكەن. ياعني, دوللاردىڭ 180 تەڭگە كەزٸندەگٸ باعامىنان ەلٸ شىعا الماي جٷرگەن كٶپ تۇرعىن بۇعان دەيٸن نەعۇرلىم قىمبات باعانى قوياتىن. تٸپتٸ, جاساتقان جٶندەۋٸنە دەيٸن ٷستەمە اقشا سۇرايتىندارى دا ول ەدەتٸن قويىپ, ساۋدالاسۋعا كٶنە باستاپتى. ەسەسٸنە, استانادا باعا ەسەلەپ ٶسۋٸ مٷمكٸن. سەبەبٸ, ەكسپو دەپ الاقانىن ىسقىلاپ وتىرعان جۇرت جاپپاي جىلجىمايتىن مٷلٸك يەلەنۋگە ۇمتىلىپ جاتىر. بۇل تۋرالى كتك تەلەارناسى حابارلادى.
الماتىدا ەسكٸ ٷيلەردٸڭ باعاسى ەكپٸنٸن جايمەن باسا باستادى. بۇعان دەيٸن جاڭا ٷيلەردەن دە جوعارى باعالانعان پەتەرلەر بٸرازدان بەرٸ ٶتپەي قالسا كەرەك, قوجايىندارى اسپاننان الىپ قويعان قۇنىن تٶمەندەتۋگە مەجبٷر. سالىنعان جىلىنا قاراماي, ساپاسىن ايتىپ ەستٸ الاتىن ەسكٸ ٷيلەردٸڭ يەلەرٸ ەندٸ ول ەدەتٸن قويعان.
"ساتۋشىلار ساباسىنا تٷسە باستادى. ەسكٸ ٷيلەردٸڭ يەلەرٸ وسىعان دەيٸن باعانى تٷسٸرمەي كەلگەن. ٶزٸنٸڭ و باستاعى ساتىپ العان اقشاسىن قايتارعىسى كەلٸپ, قوسىپ سۇرايتىن. قازٸر جاعداي باسقاشا. كليەنتتەرٸ جاڭا ٷيلەرگە كەتە باستاعان سوڭ قوجايىندار ساۋدالاسۋعا كٶنٸپ جاتىر", - دەيدٸ جىلجىمايتىن مٷلٸك اگەنتتٸگٸنٸڭ ديرەكتورى نينا لۋكيانەنكو.
ساۋداسى جٷرمەگەن ٷي يەلەرٸ ريەلتورلاردىڭ دا ەبدەن مازاسىن العان. نينا لۋكيانەنكونىڭ ايتۋىنشا, پەتەر ساتۋشىلاردىڭ تٸپتٸ ارتىق اقشا جاساۋدىڭ قامىمەن, جاساعان جٶندەۋٸنە دە قوسىمشا تيىن سۇراعان. ەندٸ وندايلاردىڭ دەۋٸرٸ ٶتٸپتٸ. ٶيتكەنٸ جاڭا ٷيلەرگە سۇرانىس ارتقان. مەسەلەن, بىلتىر الماتىدا سۋ جاڭا ٷي ساتىپ الۋشىلاردىڭ سانى 57 پايىزعا ٶسٸپتٸ. ال استانادا ساۋدا تٸپتٸ قىزعان. ەسٸرەسە, ەكسپو-نىڭ ارقاسىندا جىلجىمايتىن مٷلٸك اگەنتتتٸكتەرٸ بايىپ, كليەنتكە تالاس بوپ جاتىر.
تەلەارناعا بەرگەن سۇحباتىندا ريەلتور اياۋلىم بولاتقىزى جاڭا قۇرىلىستاردىڭ كٶبەيٸپ جاتقانىن ايتىپ وتىر. "ەگەردە سٸز الام دەسەڭٸز كٶبٸنە سٸزدٸڭ تاڭداۋىڭىزعا بايلانىستى جٷگٸنەدٸ. ٶيتكەنٸ, قازٸرگٸ كەزدە بٸزدٸڭ استانامىزدى الاتىن بولساق, ساتىلاتىن پەتەرلەر سانى ٶتە كٶپ. جاڭا قۇرىلىستار كٶبەيٸپ كەلە جاتىر", - دەدٸ ول.
وسىلاي دەپ كليەنتتٸڭ استى-ٷستٸنە تٷسكەن استانالىق ريەلتورلار ەكٸنشٸ جارتىجىلدىقتا باعا ٶسۋٸ مٷمكٸن دەپ وتىر. ٶيتكەنٸ, ەكسپو-نى كٷتٸپ الاقانىن ىسقىلاپ وتىرعان جۇرت جىلجىمايتىن مٷلٸكتٸ بيزنەس كٶزٸنە اينالدىرماقشى.
مامانداردىڭ ايتۋىنشا, بٸردەن باسپانالى بولۋعا شاماسى جەتە بەرمەيتٸن جۇرتقا باسقا دا مٷمكٸندٸكتەر بار. ريەلتورلاردىڭ ايتۋىنشا, قازٸر كٶپتەگەن قۇرىلىس كومپانييالارى بەسەكەلەستەردەن قالىپ قويماس ٷشٸن جاڭا ٷيلەردٸ قارىزعا بەرٸپ جاتىر. تەك باستاپقى جارناسىن قۇيساڭىز بولعانى. بٸراق ونىڭ دا اي سايىن تٶلەيتٸن اقشاسى از ەمەس ەكەن.
