الماتىدا سينتەتيكالىق ەسٸرتكٸنٸ ٶندٸرۋگە ارنالعان شيكٸزاتتىڭ ٸرٸ كٶلەمٸ تەركٸلەندٸ, دەپ حابارلايدى قازاقپارات.
الماتى قالالىق پوليتسييا دەپارتامەنتٸنٸڭ مەلٸمەتٸنشە, ەسٸرتكٸ دايىندايتىن تسەح «قالقامان» ىقشاماۋدانىنداعى جەكە ٷيدٸڭ جەرتٶلەسٸندە جۇمىس ٸستەگەن. بەلگٸلٸ بولعانداي, ٷي ٶتكەن جىلدىڭ قازان ايىندا جاس جٸگٸتكە اي سايىنعى 300 مىڭ تەڭگەگە جالعا بەرٸلگەن.
«رۇقسات ەتٸلگەن تٸنتۋ كەزٸندە ۇنتاق جەنە كەسەك تٷرٸندەگٸ زاتتار, پلاستيك ىدىستار, ەلەكتروندى تارازىلار جەنە مەفەدرون سينتەتيكالىق پسيحوتروپتىق زاتىن ٶندٸرۋ كەزٸندە قىلمىسكەرلەر پايدالانعان باسقا دا دٷنيەلەر تەركٸلەندٸ. ەسٸرتكٸ شىعارۋعا جاۋاپتى – 23 جاستاعى و.ەسٸمدٸ ازامات. اياقتالماعان مەديتسينالىق بٸلٸمٸ بار جاس جٸگٸت, ەسٸرتكٸ ٶندٸرٸسٸن جولعا قويعان. جالپى, ەسٸرتكٸ زەرتحاناسىنان بٸرنەشە كەلٸ كەپتٸرٸلگەن شٶپ تەركٸلەندٸ. سوتقا دەيٸنگٸ تەرگەۋ باستالدى», – دەدٸ الماتى قالالىق پوليتسييا دەپارتامەنتٸ باستىعىنىڭ ورىنباسارى بەرٸك ەبٸلبەكوۆ.
پوليتسييا قىزمەتكەرلەرٸ جەدەل تٷردە ەسٸرتكٸ بيزنەسٸنە تاعى بەس ادامنىڭ قاتىستىلىعىن انىقتادى, ولاردىڭ ەكەۋٸ 23 جەنە 19 جاستاعى قىزدار.
ولار – تٷركٸستان جەنە الماتى وبلىستارىنان كەلگەن. ولاردىڭ مٸندەتتەرٸنە دايىن ەسٸرتكٸلەرگە بەتبەلگٸ قويۋ كٸردٸ. كٷدٸكتٸلەر قاماۋعا الىندى.
«قىلمىستى ۇيىمداستىرۋشىنىڭ ايتۋىنشا, ول Telegram-داعى كۋراتوردىڭ نۇسقاۋى بويىنشا ەرەكەت ەتكەن. زەرتحاناعا ارنالعان قۇرامداس بٶلٸكتەردٸ الماتى وبلىسى تالعار اۋدانى اۋماعىنداعى «بەتبەلگٸلەر» ارقىلى العان. بٸر اپتا ٸشٸندە ول 2-3 كەلٸگە جۋىق سينتەتيكالىق ەسٸرتكٸ جاساعان, جۇمىسى ٷشٸن بيتكوينمەن اپتا سايىن 280 مىڭ تەڭگە كٶلەمٸندە قاراجات الىپ وتىرعان. ساراپتاما قورىتىندىسى بويىنشا, تەركٸلەنگەن زاتتار جالپى سالماعى 4 كەلٸدەن اساتىن «ا-PVP» سينتەتيكالىق ەسٸرتكٸ زاتى, مەفەدرون – 312 گرامم جەنە 15 ليتر تۋلۋول (پرەكۋرسور). شيكٸزات باعاسى – 150 ملن تەڭگە», – دەدٸ ەبٸلبەكوۆ.
