الماتىدا ەر ادام ليفت شاحتاسىنا قۇلاپ مەرت بولدى. وقىس وقيعا «العاباس 6» شاعىن اۋدانىنداعى №144 ٷيدە بولعان. «الماتىليفت» جشس ديرەكتورىنىڭ ورىنباسارى ماكسيم تەليتسكيي اتالعان وقيعاعا بايلانىستى تٷسٸنٸك بەردٸ, دەپ حابارلايدى "قازاقپارات" تٸلشٸسٸ.
تۇرعىننىڭ شاحتاعا قۇلاعان سەتٸ ۆيدەوعا تٷسٸپ قالعان.
ۆيدەودا ەر ادام ليفت شاقىرىپ, دەر ۋاقىتىندا كەلمەگەن سوڭ ەسٸكتەرٸن, تٷيمەلەرٸن ۇرا باستاعان. شىدامى تاۋسىلعان سوڭ شاحتا ەسٸگٸنٸڭ استىڭعى تۇسىنان تەۋٸپ اشىپ جٸبەرگەن.
ازداعان ۋاقىتتان سوڭ ول قاراڭعى كابيناعا كٸرمەك بولىپ, اتتاعان كەزدە ارى قاراي قۇلاپ كەتەدٸ.
«بٸزگە سول كٷنٸ قوڭىراۋ تٷستٸ. قىزمەتكەرلەر تەكسەرۋگە بارعان كەزدە 5-قاباتتاعى شاحتا ەسٸگٸنٸڭ بۇزىلعانىن كٶرگەن. مەحانيك 1-قاباتتاعى ەسٸكتٸ اشقاندا ەر ادامنىڭ دەنەسٸن تاپقان. سوسىن ٷيدەگٸ ۆيدەوباقىلاۋ كامەرالارىنداعى جازبانى تەكسەرٸپ, وقيعانىڭ قالاي بولعانىنا كٶزٸمٸز جەتتٸ. تۇرعىن 5-قاباتتا ليفت شاقىرعان. ول كەزدە ليفت 6-قاباتتا تۇرعان. تەحنيكالىق اقاۋدىڭ كەسٸرٸنەن ليفت دەر ۋاقىتىندا كەلە قويماعان. سوعان اشۋلانعان ول ەسٸكتٸ تەۋٸپ كٸرگەن», - دەدٸ ماكسيم تەليتسكيي.
ونىڭ ايتۋىنشا, قازٸر وقيعاعا بايلانىستى تەرگەۋ امالدارى جٷرٸپ جاتىر. ليفت ەزٸرشە جۇمىس ٸستەپ تۇرعان جوق.
«الماتىليفت» ٶكٸلٸنٸڭ ايتۋىنشا, اتالعان ليفت 2015 جىلى 22 شٸلدەدە پايدالانۋعا بەرٸلگەن. سوڭعى رەت 2018 جىلى 13 شٸلدەدە تەكسەرٸلگەن.
