الماتىدا ەر ادام بۇرىنعى ەيەلٸن اۆتوبۋستا پىشاقتاعان, - دەپ حابارلايدى Tengrinews.kz.
"نەمولچي.kz" قوعامدىق قورى مەلٸمەتٸنشە, وقيعا اۆتوبۋستا بولعان. ەكٸ بالانىڭ اناسى, 27 جاستاعى ەيەلگە بۇرىنعى كٷيەۋٸ پىشاقپەن شابۋىل جاساعان.
قوعامدىق قور تاراتقان ۆيدەودا اۆتوبۋس ٸشٸندە ەر ادام ەيەلمەن سٶز تالاستىرىپ تۇرعانى, كەيٸن پىشاق شىعارىپ, شابۋىل جاساعانى كٶرسەتٸلگەن. وقيعا اۆتوبۋس ٸشٸندەگٸ كامەراعا تٷسٸپ قالعان.
الماتى پوليتسييا دەپارتامەنتٸ بۇل دەرەك الاتاۋ اۋداندىق پوليتسييا بٶلٸمٸندە تٸركەلگەنٸن حابارلادى.
"سوت-مەديتسينالىق ساراپتاما تاعايىندالدى. كەشەندٸ تەرگەۋ شارالارى جٷرٸپ جاتىر. نەتيجەسٸ بويىنشا پروتسەستٸك شەشٸم قابىلدانادى", - دەلٸنگەن حابارلامادا.
