الماتىدا بٸردەن ەكٸ وق-دەرٸ قويماسى تابىلدى, دەپ حابارلايدى قازاقپارات.
الماتى قالالىق پوليتسييا دەپارتامەنتٸنٸڭ مەلٸمەتٸنشە, مەدەۋ اۋدانىنا قاراستى نٷسٸپبەكوۆ كٶشەسٸندەگٸ ٷيلەردٸڭ بٸرٸنٸڭ اۋلاسىنان كالاشنيكوۆ اۆتوماتىنىڭ 5,45 كاليبرلٸ 20 پاترونى تابىلدى.
«ەكٸنشٸ قويما الاتاۋ اۋدانىنان تابىلدى. قۇلاعان اعاشتىڭ تامىرىنا «ماكاروۆ» تاپانشاسىنىڭ 40 پاتروندارى سالىنعان پوليەتيلەن پاكەتٸ جاسىرىلعان. تابىلعان وق-دەرٸلەر وسى جىلدىڭ قاڭتار ايىنىڭ باسىندا الماتىدا بولعان جاپپاي تەرتٸپسٸزدٸكتەر كەزٸندە قىلمىستىق جولمەن الىنعان بولۋى مٷمكٸن. ەكٸ دەرەك تە قر قك-نٸڭ 287-بابى بويىنشا اۋماقتىق پوليتسييا باسقارمالارىندا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلدٸ», – دەدٸ الماتى قالالىق پد ەسٸرتكٸ قىلمىسىنا قارسى كٷرەس باسقارماسىنىڭ باستىعى ەرلان ەلماعامبەتوۆ.
پوليتسييا ٶكٸلٸنٸڭ ايتۋىنشا, تابىلعان وق-دەرٸلەر تەركٸلەنٸپ, قىلمىستىق ٸس ماتەريالدارىنا تٸركەلدٸ.
وق-دەرٸلەردٸ جاسىرعان ادامداردى انىقتاۋ جۇمىستارى جٷرگٸزٸلٸپ جاتىر.
